Эйдень кужосояк ютавтневи те кенярксчись

Пек талнынь, зярдо Лариса Викторовна Михайлова (эйдень кужонь прявтось) тердимим садикс кенярксчинь инжекс. Ламо иеть пек мазыйстэ сынь тосо покшчинть ютавтнить ды свал монь тердтнить. Ансяк, кодамо стака пандемиянь шка печтинек… Маринь, ней, келя, сынст эрзянь келень тонавтомань факультативгак программасост арась. Ансяк, мелявксон стякольть. Эйдень кужонть Интернетэнь куросто ловнынь паро куля:

Сехте вишка «Звёздочки" («Тештинеть») группасонть, Галина ГригорьевнаАсабова воспитателест валонзо коряс, уш ютавтозель "Звучи, родной язык!" («Кадык гайги тиринь келем») содавтомань тонавтовкс. Эйкакштнэ тонавтсть "шумбрат", "ава", "тетя ", "кудо", "тиринь кель" ды лия эрзянь  валтнэнь; кунсолость С. М. Люлякинань "Титя, титя, саразкем", "Семеричка карть", "Эрзянь кель" моротнень, Вирявадо ды Ведявадо, эрзянь ломанень теемадонть легендатнень; налксесть раськень налксематнесэ; мельспаросо вансть эрзякс мультфильма;яксесть-киштнесть"Тиринь ёнксом"вейсэнь кирькссэнть (хоровод). Меельцекс сынь паро мельсэ совсестьэйдень кужосонть эрзянь улипаронь пурнавксонь музейс, кона умок теевсь эйкакштнэнень вечкевикс таркакс.

 Мон жо тердезелинь эйкакшонь школав анокстамонь группантень. Воспитателесь Валентина Анатольевна Вершинина анокстась Эрзянь келень чис пек паро программа. Мазыйстэ оршнезь эйкакштнэ ушодызь кенярксчинть монь теевть «Слов дороже в мире нет» морыненть морамосонзо. Покш мельспаросо пешкедсь оймем те казнеденть!

СЛОВ ДОРОЖЕ В МИРЕ НЕТ.

(валтнэ ды моравксось Р. Жегалинань)

1.Вместе с моим другом

Я слова учу.

Знать язык эрзянский

Очень я хочу.

Припев:

АВАЙ - это мама,

ТЕТЯЙ - это папа,

ШУМБРАТ! - здравствуй и привет! -

Слов дороже в мире нет!

КУДОМ - это дом мой,

ЯЛГАМ - это друг мой,

ШУМБРАТ! - здравствуй и привет! -

Лучше слов на свете нет!

2. Ялган марто вейсэ

Валт мон тонавтнян,

Эрзякс паро мельсэ

Кортамо карман.

 Припев:

АВАЙ – вечкевиксэм!

ТЕТЯЙ – малавиксэм!

ШУМБРАТ! – арсян парочи

Эрьва шкане ды течи!

КУДОМ - вечкевиксэм!

ЯЛГАМ - малавиксэм!

ШУМБРАТ! - арсян парочи

Эрьва шкане ды течи!

 

Эйкакштнэ ловность валморот, морасть морот, налксесть, киштсть. Покш важодема тень кувалма мартост вети музыкань коряс тонавтыцяст Светлана Васильевна Пархаева. Сюконямот тензэ паро тевензэ кис! Монгак невтинь тенст «Минь тонь марто ялгатано» ды «Зорява» морон, ёвтнинь эсень стихем, казинь книгат. Вастоманть ледстямга весень марто сниминек. Явомсто эйкакштнэ кувать ванкшность эрзянь оршамон эйсэ ды тердимизь мартост таго морамс «Слов дороже в мире нет» мором. Нать, сон тенст пек вечкевсь!

 

Весе содыть: Интернетсэ мон ветян ламо эрзянь курот (группат). Ванынь ды пурнынь путовкстнэнь, косо те покшчись теезель. Паро мельсэ ёвтан: тедеде сон ютавтозель лия иетнень коряс седе ламо таркасо!

 

Од вий» неень шкань эрзянь ды мокшонь эстрадань моронь фестивалеськак пек кецявтымим. Минек райононь культурань кудонь «Толнэ» ансамблясь (ветицясь Ольга Куманёва) таго сайсь Лауреатонь лем «Монь героем» моронть кис, конаньмон эрзякс ютавтыя. Арсян «Толнэтненень» кеме шумбрачи, икелев молемань тевтть ды од мазый эрзянь морот!

Эряви тешкстамс оштё вейке эрзянь тевденть.

Чадыковонь 19-це чистэнть сёрмадынек тотальной диктант эрзякс. Сон алтазель Серафима Марковна Люлякинанень, конанень тедеде медьковонь 29-це чистэ топодить 100 иеть. Диктантонть ветясь Наталья Анатольевна Чучадеева- Покш Игнатвелень школасо эрзянь келень тонавтыцясь. Текстэнть лемезэль «Эрзянь Цёков».