Н а 9- й песни – обычное каждение . «ч естнейшую » не поем

П ЕСНЬ 9:
Ч ЕТВЕРОПЕСНЕЦ Т РИОДИ (ТВОРЕНИЕ ПРП. К ОСМЫ), ГЛАС 8 СО ИРМОСОМ НА 8:

Ирмос: Чистую славно почтим, людие, Богородицу, / огнь Божества приимшую во чреве неопально, / песньми величаем. (дважды)

Тропарь:Людие видевше ходяща мертвеца четверодневна, / удивившеся чудеси, вопияху Избавителю, / Бога Тя в песнех величающе.

Тропарь:Людие видевше ходяща мертвеца четверодневна, / удивившеся чудеси, вопияху Избавителю, / Бога Тя в песнех величающе.

Тропарь:Людие видевше ходяща мертвеца четверодневна, / удивившеся чудеси, вопияху Избавителю, / Бога Тя в песнех величающе.

Тропарь:Предуверяя славное востание Твое, о Спасе мой, / мертва четверодневна, из ада свобождаеши Лазаря, / песньми Тя величающа.

Тропарь:Предуверяя славное востание Твое, о Спасе мой, / мертва четверодневна, из ада свобождаеши Лазаря, / песньми Тя величающа.

Тропарь:Предуверяя славное востание Твое, о Спасе мой, / мертва четверодневна, из ада свобождаеши Лазаря, / песньми Тя величающа.

Ч ЕТВЕРОПЕСНЕЦ Т РИОДИ (ТВОРЕНИЕ ПРП. И ОАННА), ГЛАС 8 НА 6:

Тропарь:Почитая Твоего Отца, и показуя, яко не богопротивен еси, / молитву дееши Христе, / самовластно воздвиг четверодневнаго.

Тропарь:Почитая Твоего Отца, и показуя, яко не богопротивен еси, / молитву дееши Христе, / самовластно воздвиг четверодневнаго.

Тропарь:Из гроба четверодневнаго Лазаря воздвизаеши, / тридневнаго Христе Твоего востания, / всеистиннаго всем показуя сведетеля.

Тропарь:Из гроба четверодневнаго Лазаря воздвизаеши, / тридневнаго Христе Твоего востания, / всеистиннаго всем показуя сведетеля.

:

Тропарь:Ходиши, и слезиши, вещаеши же Спасе мой, / человеческое показуя Твое действо, / Божественное же являя, воздвизаеши Лазаря.

                                                   Тропарь:Содеял еси неизреченно, Владыко Спасе мой, / по обою двою Твоею естеству, / самовластною волею спасение мое.

К АТАВАСИЯ ИЗ Т РИО́ ДИ, ГЛАС 8:

Воистинну Богородицу, / Тя исповедуем, / спасеннии Тобою, Дево Чистая, / с Безплотными лики Тя величающе.

Достойно есть не поётся

Ектения́ ма́лая:

Диа́кон:       П а́ки и па́ки ми́ром Го́споду помо́лимся.

Хор:         Г о́споди, поми́луй.

Диа́кон:       З аступи́, спаси́, поми́луй и сохрани́ нас, Бо́же, Твое́ю благода́тию.

Хор:         Г о́споди, поми́луй.

Диа́кон:       П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор:         Т ебе́, Го́споди.

 

Диа́кон:       С вят Госпо́дь Бог наш.

Хор:         С вят Госпо́дь Бог наш

 

Диа́кон:       Я́ ко Свят Госпо́дь Бог наш.

Хор:         С вят Госпо́дь Бог наш.

 

Диа́кон:       Н ад все́ми людьми́ Бог наш.

Хор:   С вят Госпо́дь Бог наш

 

Светилен Триоди

                   Словом Твоим, Слове Божий, / Лазарь ныне возскачет к житию паки потек, / и с ветвьми людие Тя державне почитают, / яко в конец погубиши ад смертию Твоею.(дважды)

Слава и Ныне:                                            Ин светилен Триоди

               Лазарем тя Христос уже разрушает смерте, / и где твоя аде победа? / Вифании плач ныне на тебе преставляется, / вси ветви победы Тому принесем.

Хвали́тны псалмы́, глас 1

Хор:         В ся́кое дыха́ние да хва́лит Го́спода./ Хвали́те Го́спода с небе́с,/ хвали́те Его́ в вы́шних.// Тебе́ подоба́ет песнь Бо́гу.

                   Х вали́те Его́ вси а́нгели Его́,/ хвали́те Его́ вся си́лы Его́.// Тебе́ подоба́ет песнь Бо́гу.

 

 

Чтец -Хвалите Его, солнце и луна, хвалите Его, вся звезды и свет. Хвалите Его Небеса небес и вода, яже превыше небес. Да восхвалят имя Господне: яко Той рече, и быша, Той повеле, и создашася. Постави я в век и в век века, повеление положи, и не мимо идет. Хвалите Господа от земли, змиеве и вся бездны: огнь, град, снег, голоть, дух бурен, творящая слово Его, горы и вси холми, древа плодоносна и вси кедри, зверие и вси скоти, гади и птицы пернаты. Царие земстии и вси людие, князи и вси судии земстии, юноши и девы, старцы с юнотами да восхвалят имя Господне, яко вознесеся имя Того Единаго, исповедание Его на земли и на небеси. И вознесет рог людей Своих, песнь всем преподобным Его, сыновом Израилевым, людем, приближающымся Ему.

Псалом 149:

            В оспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем eго́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными.

 

 

С отвори́ти в них суд напи́сан:/ сла́ва сия́ бу́дет всем преподо́бным Его́.

                  Воскресение и жизнь человеком сый Христе,/ гробу Лазареву предстал еси, / уверяя нам два существа Твоя Долготерпеливе, / яко Бог и Человек / от Чистыя Девы пришел еси. / Якоже бо Человек вопрошал еси: где погребеся? / И якоже Бог воскресил еси / живоносным мановением четверодневнаго.

 

Х вали́те Бо́га во святы́х Его́,/ хвали́те Его́ в утверже́нии си́лы Его́.

              Лазаря умерша четверодневнаго / воскресил еси из ада Христе, прежде Твоея смерти, / потряс смертную державу, / и единем любимым, всех человек провозвещаяй из тли свобождение. / Темже покланяющеся Твоей всесильней власти вопием: / благословен еси Спасе, помилуй нас.

 

Х вали́те Его́ на си́лах Его́,/ хвали́те Его́ по мно́жеству вели́чествия Его́.

               Марфа и Мария Спасу глаголасте: / аще бы зде был еси Господи, / не бы умерл Лазарь: / Христос же воскресение усопших, / сего уже четверодневнаго из мертвых воскреси. / Приидите вси вернии, / Сему поклонимся грядущему во славе, / спасти души наша.

Стих:        Х вали́те Его́ во гла́се тру́бнем,/ хвали́те Его́ во псалти́ри и гу́слех.

              Божества Твоего Христе, подавая учеником Твоим образ, / в народех смирял еси Себе, утаитися хотя. / Темже апостолом яко проведец Бог, / Лазареву смерть предрекл еси. / В Вифании же присутствуяй людем, / друга Твоего гроба не неведый, / уведети вопрошал еси яко Человек. / Но Тобою четверодневен воскресый, / Божественную Твою державу яви, / всесильне Господи слава Тебе.

Глас 4

Стих:        Х вали́те Его́ в тимпа́не и ли́це,/ хвали́те Его́ во стру́нах и орга́не.

 

                     Четверодневна воздвигл еси друга Твоего Христе, / и Марфино и Мариино рыдание утолил еси: / показуя всем, яко Ты еси вся совершаяй Божественною силою, / самовластным хотением. / Емуже херувими вопиют непрестанно: / осанна в вышних, / благословен еси над всеми Боже, слава Тебе

 

Стих:           Х вали́те Его́ в кимва́лех доброгла́сных, хвали́те Его́ в кимва́лех восклица́ния./ Вся́кое дыха́ние да хва́лит Го́спода.

           Марфа Марии вопияше: / Учитель предстоит, и глашает тя, приступи. / Она же скоро пришедши, идеже бе стоя Господь, / и видевши возопи, падши поклонися, / пречистеи нозе Твои облобызающи, глаголаше: / Господи, аще бы еси зде был, / не бы убо умерл брат наш.

 

С ла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.

 

                            Велие и преславное чудо совершися днесь, / яко мертвеца четверодневнаго, / из гроба Христос возгласив воздвиже, и друга призва: / славословим Его яко преславна, / да молитвами праведнаго Лазаря / спасет души наша.

                   Глас 2: