Миссионерская библиотека православного христианина

Миссионерская библиотека православного христианина

МИССИОНЕРСКИЙ ЧИН ЛИТУРГИИ
СВ. ИОАННА ЗЛАТОУСТА

Брянск 2021

По благословению Преосвященнейшего
…

Составитель: иерей Александр Домбровский
Редактор: Нина Каминская

Миссионерский чин литургии – Брянск, Новый проект, 2021 г. – 24 с. (Серия «Миссионерская библиотека православного христианина», вып. 2).

Мы привыкли, что Божественная литургия совершается торжественно и пышно, в великолепных храмах и соборах. Но иногда случается, что Евхаристия совершается для небольшой группы людей. Например, в обычном доме, больнице, в скромной сельской часовне или молитвенной комнате – почти в такой же простоте, какой она и была в первые века церковной истории. Она может совершаться без колоколов и кадильного дыма. Возможно, на самом обычном столе с минимальным количеством атрибутов. Но, в любом случае, совершаемая торжественно или очень скромно, это та же самая Божественная служба, открывающая нам тайну сопричастности с Господом Иисусом Христом и друг с другом.

 

                                                             © Православный молитвослов, 2021
                                                                © «Новый проект», 2021

Подписано в печать с оригинал-макета 07.06.2021 г. Формат 60х84 1/16. Бумага офсетная??. Печать офсетная??. Усл. печ. л. 1,5. Тираж 50 экз. Заказ №??. Отпечатано в типографии ООО «Новый проект». г. Брянск, пер. Урицкого, 18, тел.: 74-47-86.

ЛИТУРГИЯ СЛОВА

Священник тихо молится: Го́споди, низпосли́ ру́ку Твою́ с высоты́ свята́го жили́ща Твоего́ и укрепи́ мя в предлежа́щую слу́жбу Твою́, да неосужде́нно предста́-ну стра́шному престо́лу Твоему́, и безкро́вное священноде́йствие совершу́, я́ко Твоя́ есть си́ла и сла́ва во ве́-ки веко́в. Ами́нь.

Кланяется всем со словами: Прости́те меня́, бра́тья и се́стры. Все: Бог прости́т.

Воздев руки: Сла́ва в вы́шних Бо́гу, и на земли́ мир, в челове́цех благоволе́ние. (Дважды)

Го́споди, устне́ мои́ отве́рзеши, и уста́ моя́ возвестя́т хвалу́ Твою́.

Возглашает: Благослове́но Ца́рство Отца́ и Сы́на и Свята́го Ду́ха, ны́не и при́сно, и во ве́ки веко́в.

Хор: Ами́нь. Все садятся. Хор поет антифон.

Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́трен-няя моя́ и́мя святое́ Его́. / Благослови́, душе́ моя́, Го́с-пода, / и не забыва́й всех воздая́ний Его́. / Очища́юща-го вся беззако́ния твоя́, / исцеля́ющаго вся неду́ги твоя́. / Избавля́ющаго от истле́ния живо́т твой, / венча́юща-го тя ми́лостию и щедро́тами. / Исполня́ющаго во благи́х жела́ние твое́: / обнови́тся, я́ко о́рля, ю́ность твоя́. / Творя́й ми́лостыни Госпо́дь, / и судьбу́ всем оби́димым. / Сказа́ пути́ Своя́ Моисе́ови, / сыново́м Изра́илевым хоте́ния Своя́. / Щедр и ми́лостив Госпо́дь, / долготерпели́в и многоми́лостив.

Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́трен-няя моя́ и́мя святое́ Его́.

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Единоро́дный Сы́не и Сло́ве Бо́жий, безсме́ртен сый / и изво́ливый спасе́ния на́шего ра́ди / воплоти́тися от Свя-ты́я Богоро́дицы и Присноде́вы Мари́и, / непрело́жно вочелове́чивыйся, / распны́йся же, Христе́ Бо́же, сме́р-тию смерть попра́вый, / еди́н сый Святы́я Тро́ицы, / спрославля́емый Отцу́ и Свято́му Ду́ху, спаси́ нас.

Читается тропарь дня или праздника. Все встают.

Молитва Трисвятаго пения

С: Го́споду помо́лимся. Х: Го́споди, поми́луй.

С: Бо́же Святы́й, и́же во святы́х почива́яй, и́же трисвяты́м гла́сом от серафи́мов воспева́емый и от херуви́мов славосло́вимый, и от вся́кия небе́сныя си́лы покланя́-емый, и́же от небытия́ во е́же бы́ти приведы́й вся́чес-кая, созда́вый челове́ка по о́бразу Твоему́ и по подо́-бию, и вся́ким Твои́м дарова́нием украси́вый. Дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб Твои́х, и в час сей ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Сам, Влады́ко, приими́ и от уст нас, гре́шных, трисвяту́ю песнь, и посети́ ны бла́гостию Твое́ю, прости́ нам вся́кое согреше́ние во́льное же или нево́льное, освяти́ на́ши ду́ши и телеса́, и даждь нам в преподо́бии служи́ти Тебе́ во все дни живота́ на́шего, моли́твами Святы́я Богоро́дицы, и всех святы́х, от ве́ка Тебе́ благоугоди́вших.

Я́ко свят еси́, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Х: Ами́нь.
                                          Трисвятое

Святы́й Бо́же, / Святы́й Кре́пкий, / Святы́й Безсме́рт-ный, поми́луй нас. (Трижды)

Слава, и ныне: Святы́й Безсме́ртный, поми́луй нас. Святы́й Бо́же, / Святы́й Кре́пкий, / Святы́й Безсме́рт-ный, поми́луй нас.

Чтение Апостола

Все садятся.

С: Во́нмем. Мир всем. Чтец: И ду́хови твоему́. С: Прему́дрость. Ч: Проки́мен, глас…

В субботу: Проки́мен, глас 8: Весели́теся о Го́споде, и ра́дуйтеся пра́веднии. Х: Весели́теся о Го́споде, и ра́-дуйтеся пра́веднии. Ч: Блаже́ни, и́хже оста́вишася беззако́ния и и́хже прикры́шася греси́. Х: Весели́теся о Го́с-поде, и ра́дуйтеся пра́веднии.  Ч: Весели́теся о Го́спо-де. Х: И ра́дуйтеся пра́веднии.

В воскресенье: Проки́мен, глас 8: Помоли́теся и воздади́те Го́сподеви Бо́гу на́шему. Х: Помоли́теся и воздади́те Го́сподеви Бо́гу на́шему. Ч: Ве́дом во Иуде́и Бог, во Изра́или ве́лие и́мя Его́. Х: Помоли́теся и воздади́те Го́сподеви Бо́гу на́шему. Ч: Помоли́теся и воздади́те. Х: Го́сподеви Бо́гу на́шему.

С: Прему́дрость. Чтец произносит заголовок отрывка.С: Во́нмем. Читается отрывок.

С: Мир ти. Ч: И ду́хови твоему́. С: Прему́дрость. Ч: Аллилу́иа, глас… Совершается каждение.

В субботу: Аллилу́иа, глас 4: Х: Аллилу́иа. (Трижды) Ч: Воззва́ша пра́веднии, и Госпо́дь услы́ша их, и от всех скорбе́й их изба́ви их. Х: Аллилу́иа. (Трижды) Ч: Мно́ги ско́рби пра́ведным, и от всех их изба́вит я Госпо́дь. Х: Аллилу́иа. (Трижды)

В воскресенье: Аллилу́иа, глас 8: Х: Аллилу́иа. (Трижды) Ч: Прииди́те, возра́дуемся Го́сподеви, воскли́кнем Бо́гу Спаси́телю на́шему. Х: Аллилу́иа. (Трижды) Ч: Предвари́м   лице́  Его́  во  испове́дании,  и  во  псалме́х

воскли́кнем Ему́. Х: Аллилу́иа. (Трижды)

Все встают.

Чтение Евангелия

С:  Прему́дрость,  про́сти,  услы́шим  свята́го  Ева́нгелия. Мир всем.   Х:  И ду́хови  твоему́. С: От… свята́го  Ева́нге-лия  чте́ние. Х: Сла́ва Тебе́, Го́споди,  сла́ва  Тебе́. С: Во́н-мем. Читается отрывок.

Х: Сла́ва Тебе́, Го́споди, сла́ва Тебе́.

Сугубая ектения

С: Рцем вси́ от всея́ души́, и от всего́ помышле́ния на́-шего рцем. Х: Го́споди, поми́луй.

Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Х: Го́споди, поми́луй. (Трижды)

Еще́ мо́лимся о святе́йшем патриа́рхе (имя) и высокопреосвяще́ннейшем митрополи́те (имя), и преосвяще́ннейшем епи́скопе нашем (имя), честне́м пресви́-терстве, во Христе́ диа́констве, о всем при́чте и лю́дех, Го́споду помо́лимся.

Еще́ мо́лимся о богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Еще́ мо́лимся о блаже́нных и приснопа́мятных святе́й-ших патриа́рсех правосла́вных [и созда́телех свята́го хра́ма сего́], и о всех пре́жде почи́вших отце́х и бра́ти-ях, зде лежа́щих и повсю́ду, правосла́вных.

Еще́ мо́лимся о ми́лости, жи́зни, ми́ре, здра́вии, спасе́-нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́.

Еще́ мо́лимся о плодонося́щих и доброде́ющих [во святе́м и всечестне́м хра́ме сем], тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Молитва прилежного моления

С: Го́споди Бо́же наш, приле́жное сие́ моле́ние приими́ от Твои́х рабов, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющия от Тебе́ бога́тыя ми́лости.

Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́с-но, и во ве́ки веко́в. Х: Ами́нь.

ЛИТУРГИЯ ЖЕРТВЫ

Х: И́же херуви́мы та́йно образу́юще и животворя́щей Тро́ице трисвяту́ю песнь припева́юще, вся́кое ны́не жите́йское отложи́м попече́ние.

Совершается каждение. Затем священник, раскрыв антиминс и воздев руки, трижды произносит: И́же херуви́мы… Я́ко да Царя́…

Кланяется всем со словами: Прости́те меня́ гре́шного. Все: Бог прости́т.

После этого, перенося хлеб и вино, возглашает:

Вели́каго господи́на и отца́ на́шего (имя), святе́йшаго патриа́рха Моско́вскаго и всея́ Ру́си, и господи́на на́-шего высокопреосвяще́ннейшаго (имя), митрополи́та (титул), и преосвяще́ннейшаго (имя) епи́скопа (титул), вас и всех правосла́вных христиа́н, да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Х: Ами́нь. Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

Молитва приношения

С: О предложе́нных честны́х даре́х Го́споду помо́лим-ся. Х: Го́споди, поми́луй.

С: Го́споди Бо́же Вседержи́телю, еди́не свя́те, прие́мляй же́ртву хвале́ния от призыва́ющих Тя всем се́рдцем. Приими́ и нас, гре́шных, моле́ния и принеси́ ко свято́му Твоему́ же́ртвеннику, и укрепи́ нас приноси́ти Тебе́ да́-ры же и же́ртвы духо́вныя о на́ших гресе́х и о людски́х неве́дениих, и сподо́би нас обрести́ благода́ть пред Тобо́ю, е́же бы́ти Тебе́ благоприя́тней же́ртве на́шей, и всели́тися Ду́ху благода́ти Твоея́ благо́му в нас, и на предлежа́щих даре́х сих, и на всех лю́дех Твои́х.

Щедро́тами Единоро́днаго Сы́на Твоего́, с ни́мже благо-слове́н еси́, со Пресвяты́м и благи́м и Животворя́щим Твои́м Ду́хом, ны́не и при́сно, и во ве́ки веко́в.

Х: Ами́нь. С: Мир всем. Х: И ду́хови твоему́.

С: Возлю́бим друг дру́га, да единомы́слием испове́мы.

Х: Отца́ и Сы́на и Свята́го Ду́ха, / Тро́ицу единосу́щную / и неразде́льную.

С: Христо́с посреди́ нас. В: И есть, и бу́дет.

С: Две́ри, две́ри. Прему́дростию во́нмем.

Символ веры

В: Ве́рую во еди́наго Бо́га Отца́ Вседержи́теля, Творца́ не́бу и земли́, ви́димым же всем и неви́димым. И во еди́наго Го́спода Иису́са Христа́, Сы́на Бо́жия, Единоро́днаго, И́же от Отца́ рожде́ннаго пре́жде всех век. Све́та от Све́та, Бо́га и́стинна от Бо́га и́стинна, рожде́н-на, несотворе́нна, единосу́щна Отцу́, И́мже вся бы́ша. Нас ра́ди челове́к и на́шего ра́ди спасе́ния сше́дшаго с небе́с и воплоти́вшагося от Ду́ха Свя́та и Мари́и Де́вы и вочелове́чшася. Распя́таго же за ны при Понти́йстем Пила́те, и страда́вша, и погребе́нна. И воскре́сшаго в тре́тий день по Писа́нием. И возше́дшаго на небеса́, и седя́ща одесну́ю Отца́. И па́ки гряду́щаго со сла́вою суди́ти живы́м и ме́ртвым, Его́же Ца́рствию не бу́дет конца́. И в Ду́ха Свята́го, Го́спода, Животворя́щаго, И́же от Отца́ исходя́щаго, И́же со Отце́м и Сы́ном спокланя́ема и ссла́вима, глаго́лавшаго проро́ки. Во еди́ну Святу́ю, Собо́рную и Апо́стольскую Це́рковь. Испове́дую еди́но креще́ние во оставле́ние грехо́в. Ча́ю воскресе́ния ме́ртвых, и жи́зни бу́дущаго ве́ка. Ами́нь.

Молитва благодарения

С: Досто́йно и пра́ведно Тя пе́ти, Тя благослови́ти, Тя хвали́ти, Тя благодари́ти, Тебе́ покланя́тися на вся́ком ме́сте влады́чествия Твоего́. Ты бо еси́ Бог неизрече́-нен, недове́дом, неви́дим, непостижи́м, при́сно сый, та́кожде сый, Ты и Единоро́дный Твой Сын, и Дух Твой Святы́й. Ты от небытия́ в бытие́ нас приве́л еси́, и отпа́дшия возста́вил еси́ па́ки, и не отступи́л еси́ вся творя́, до́ндеже нас на не́бо возве́л еси́, и Ца́рство Твое́ дарова́л еси́ бу́дущее. О сих всех благодари́м Тя и Еди-норо́днаго Твоего́ Сы́на, и Ду́ха Твоего́ Свята́го, о всех, и́хже ве́мы, и и́хже не ве́мы, явле́нных и нея́вленных благодея́ниях бы́вших на нас. Благодари́м Тя и о слу́ж-бе сей, ю́же от рук на́ших прия́ти изво́лил еси́. А́ще и предстоя́т Тебе́ ты́сящи арха́нгелов и тьмы а́нгелов, херуви́мы и серафи́мы шестокрила́тии, многоочи́тии, возвыша́щиися перна́тии.

Возглашая: Побе́дную песнь пою́ще, вопию́ще, взыва́-юще и глаго́люще.

Х: Свят, свят, свят Госпо́дь Савао́ф, / испо́лнь не́бо и земля́ сла́вы Твоея́; / оса́нна в вы́шних, / благослове́н гряды́й во и́мя Госпо́дне, / оса́нна в вы́шних.

Молитва ходатайства

С: Я́коже бы́ти причаща́ющимся во трезве́ние души́, во оставле́ние грехо́в, в приобще́ние Свята́го Твоего́ Ду́ха, во исполне́ние Ца́рствия небе́снаго, в дерзнове́ние е́же к Тебе́, не в суд, или́ во осужде́ние.

Еще́ прино́сим Ти слове́сную сию́ слу́жбу, о и́же в ве́ре почи́вших, пра́отцех, отце́х, патриа́рсех, проро́цех, апо́-столех, пропове́дницех, евангели́стех, му́ченицех, испове́дницех, возде́ржницех, и о вся́ком ду́се пра́вед-нем в ве́ре сконча́вшемся.

Возглашая с кадилом: Изря́дно о Пресвяте́й, пречи́с-тей, преблагослове́нней, сла́вней Влады́чице на́шей Богоро́дице и Присноде́ве Мари́и.

Х: Досто́йно есть я́ко вои́стинну / блажи́ти Тя, Бого-ро́дицу, / присноблаже́нную и пренепоро́чную / и Ма́-терь Бо́га на́шего. / Честне́йшую херуви́м / и сла́вней-шую без сравне́ния серафи́м, / без истле́ния Бо́га Сло́-ва ро́ждшую, / су́щую Богоро́дицу Тя велича́ем.

С: О святе́м Иоа́нне проро́це, Предте́че и Крести́теле, о святы́х сла́вных и всехва́льных апо́столех, о святе́м (имя), его́же и па́мять соверша́ем, и о всех святы́х Тво-и́х, и́хже моли́твами посети́ нас, Бо́же.

И помяни́ всех усо́пших о наде́жди воскре́сения жи́зни ве́чныя, (имена) и упоко́й их, иде́же сия́ет свет лица́ Твоего́.

Еще́ мо́лим Тя, помяни́, Го́споди, вся́кое епи́скопство правосла́вных, пра́во пра́вящих сло́во Твоея́ и́стины, вся́кое пресви́терство, во Христе́ диа́конство и вся́кий свяще́ннический чин.

Еще́ прино́сим Тебе́ слове́сную сию́ слу́жбу о вселе́н-ней, о святе́й, собо́рней и апо́стольстей Це́ркви, о и́же в чистоте́ и честне́м жи́тельстве пребыва́ющих, о богохрани́мей стране́ на́шей, власте́х и во́инстве ея́. Да́ждь им, Го́споди, ми́рное правле́ние, да и мы в тишине́ их ти́хое и безмо́лвное житие́ поживе́м, во вся́ком благочестии и чистоте́.

Возглашая: В пе́рвых помяни́, Го́споди, святе́йшего патриа́рха (имя) и высокопреосвяще́ннейшего митрополи́та (имя), и преосвяще́ннейшего епи́скопа нашего (имя), и́хже да́руй святы́м Твои́м це́рквам, в ми́ре, це́-лых, честны́х, здра́вых, долгоде́нствующих, пра́во пра́-вящих сло́во Твоея́ и́стины.

Х: И всех, и вся.

С: Помяни́ Го́споди град сей, в не́мже живе́м, (или: весь сию́, в не́йже живе́м), и вся́кий град и страну́, и ве́рою живу́щих в них. Помяни́, Го́споди, пла́вающих, путеше́ствующих, неду́гующих, стра́ждущих, плене́нных и спаси́ их. Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия, и на вся ны ми́лости Твоя́ низпосли́ (имена).

И даждь нам еди́ными усты́ и еди́ным се́рдцем сла́ви-ти и воспева́ти пречестно́е и великоле́пное и́мя Твое́, Отца́ и Сы́на и Свята́го Ду́ха, ны́не и при́сно, и во ве́ки веко́в. Х: Ами́нь.

Благословляя: И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

Х: И со ду́хом твои́м.

Просительная ектения

С: Вся святы́я помяну́вше, па́ки и па́ки ми́ром Го́споду помо́лимся. Х: Го́споди, поми́луй.

О принесе́нных и освяще́нных честны́х Даре́х, Го́споду помо́лимся.

Я́ко да человеколю́бец Бог наш, прие́м я́ во святы́й, пренебе́сный и мы́сленный Свой же́ртвенник, в воню́ благоуха́ния духо́внаго, возниспо́слет нам боже́ствен-ную благода́ть и дар Свята́го Ду́ха, помо́лимся.

Молитва Господня

В: О́тче наш, / И́же еси́ на небесе́х, / да святи́тся и́мя Твое́, да прии́дет Ца́рствие Твое́, / да бу́дет во́ля Твоя́, я́ко на небеси́ и на земли́. / Хлеб наш насу́щный да́ждь нам днесь; / и оста́ви нам до́лги на́ша, я́коже и мы оставля́ем должнико́м на́шим; / и не введи́ нас во искуше́ние, / но изба́ви нас от лука́ваго.

С: Я́ко Твое́ есть Ца́рство и си́ла и сла́ва, Отца́ и Сы́на и Свята́го Ду́ха, ны́не и при́сно, и во ве́ки веко́в.

Х: Ами́нь. С: Мир всем. Х: И ду́хови твоему́.

С: Главы́ ва́ша Го́сподеви приклони́те.

Х: Тебе́, Го́споди.

Все встают.

Причащение народа

С: Со стра́хом Бо́жиим, ве́рою и любо́вию приступи́те.

Х: Благослове́н гряды́й во и́мя Госпо́дне, / Бог Госпо́дь и яви́ся нам.

С: Помо́лимся пе́ред святы́м причаще́нием.

В: Ве́рую, Го́споди, и испове́дую, я́ко Ты еси́ вои́стинну Христо́с, Сын Бо́га жива́го, прише́дый в мир гре́шныя спасти́, от ни́хже пе́рвый есмь аз. Еще́ ве́рую, я́ко сие́ есть са́мое пречи́стое Те́ло Твое́, и сия́ есть са́мая честна́я Кровь Твоя́. Молю́ся у́бо Тебе́: поми́луй мя и прости́ ми прегреше́ния моя́, во́льная и нево́льная, я́же сло́вом, я́же де́лом, я́же ве́дением и неве́дением, и сподо́би мя неосужде́нно причастити́ся пречи́стых Твои́х Та́инств, во оставле́ние грехо́в и в жизнь ве́чную.

Ве́чери Твоея́ та́йныя днесь, Сы́не Бо́жий, прича́стника мя приими́; не бо враго́м Твои́м та́йну пове́м, ни лобза́ния Ти дам, я́ко  Иу́да, но  я́ко  разбо́йник  испове́даю Тя: помяни́ мя, Го́споди, во Ца́рствии Твое́м.

Да не в суд или́ во осужде́ние бу́дет мне причаще́ние святы́х Твои́х Та́ин, Го́споди, но во исцеле́ние души́ и те́-ла. Ами́нь.

Х: Те́ло Христо́во приими́те, / исто́чника безсме́ртнаго вкуси́те.

Причащая: Причаща́ется раб Бо́жий (или: раба Бо́жия) (имя), честна́го Те́ла и Кро́ви Го́спода и Бо́га и Спа́са на́-шего Иису́са Христа́, во оставле́ние грехо́в и в жизнь ве́чную. Аминь.

С: Аллилу́иа. (Трижды) Х: Аллилу́иа. (Трижды)

Высыпая частицы в чашу: Отмо́й, Го́споди, грехи́ помина́вшихся зде́сь Кро́вию Твое́ю честно́ю, моли́твами святы́х Твои́х.

Благодарение за причащение

Благословляя: Спаси́, Бо́же, лю́ди Твоя́, и благослови́ достоя́ние Твое́.

Х: Ви́дехом свет и́стинный, / прия́хом Ду́ха небе́снаго, / обрето́хом ве́ру и́стинную, / неразде́льней Тро́ице покланя́емся, / Та бо нас спасла́ есть.

Благословляя чашей: Благослове́н Бог наш всегда́, ны́-не и при́сно, и во ве́ки веко́в. Х: Ами́нь.

Благодарственная молитва

С: Про́сти! Прии́мше боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Х: Го́споди, поми́луй.

С: Благодари́м Тя, Влады́ко человеколю́бче, благоде́-телю душ на́ших, я́ко и в настоя́щий день сподо́бил еси́ нас небе́сных Твои́х и безсме́ртных Та́инств. Испра́ви наш путь, утверди́ ны во стра́се Твое́м вся, соблюди́ наш живо́т, утверди́ на́ша стопы́, моли́твами и моле́ньми сла́вныя Богоро́дицы и Присноде́вы Мари́и, и всех святы́х Твои́х.

Я́ко Ты еси́ освяще́ние на́ше, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в.

Х: Ами́нь. Бу́ди и́мя Госпо́дне благослове́но от ны́не и до ве́ка. (Трижды)

Потребляя: Исполне́ние зако́на и проро́ков сам сый Христе́ Бо́же наш, испо́лнивый все оте́ческое смотре́-ние, испо́лни ра́дости и весе́лия сердца́ на́ша, всегда́, ны́не и при́сно, и во ве́ки веко́в.

Все садятся. Хор поет 33-й псалом.

Благословлю́ Го́спода на вся́кое вре́мя, / вы́ну хвала́ Его́ во усте́х мои́х. / О Го́споде похва́лится душа́ моя́, / да услы́шат кро́тцыи и возвеселя́тся. / Возвели́чите Го́с-пода со мно́ю / и вознесе́м и́мя Его́ вку́пе. / Взыска́х Го́спода и услы́ша мя, / и от всех скорбе́й мои́х изба́ви мя. / Приступи́те к Нему́ и просвети́теся, / и ли́ца ва́ша не постыдя́тся. / Сей ни́щий воззва́, и Госпо́дь услы́ша и́, / и от всех скорбе́й eго́ спасе́ и́. / Ополчи́тся а́нгел Госпо́день о́крест боя́щихся Его́, / и изба́вит их. / Вкуси́те и ви́дите, я́ко благ Госпо́дь; / блаже́н муж, и́же упова́ет Нань. / Бо́йтеся Го́спода, вси святи́и Его́, / я́ко несть лише́ния боя́щимся Его́. / Бога́тии обнища́ша и взалка́ша, / взыска́ющии же Го́спода не лиша́тся вся́-каго бла́га. / Прииди́те, ча́да, послу́шайте мене́, / стра́-ху Госпо́дню научу́ вас. / Кто́ есть челове́к хотя́й живо́т, / любя́й дни ви́дети бла́ги? / Удержи́ язы́к твой от зла, / и устне́ твои́, е́же не глаго́лати льсти. / Уклони́ся от зла, и сотвори́ бла́го. / Взыщи́ ми́ра, и пожени́ и́. / О́чи Госпо́дни на пра́ведныя, / и у́ши Его́ в моли́тву их. / Лице́ же Госпо́дне на творя́щия зла́я, / е́же потреби́ти от земли́ па́мять их. / Воззва́ша пра́веднии, и Госпо́дь услы́ша их, / и от всех скорбе́й их изба́ви их. / Близ Госпо́дь сокруше́нных се́рдцем, / и смире́нныя ду́хом спасе́т. / Мно́ги ско́рби пра́ведным, / и от всех их изба́вит я́ Госпо́дь. / Храни́т Госпо́дь вся ко́сти их, / ни еди́на от них сокруши́тся. / Смерть гре́шников люта́, / и ненави́-дящии пра́веднаго прегре́шат. / Изба́вит Госпо́дь ду́шы раб Свои́х, / и не прегреша́т вси, упова́ющии на Него́.

И снова все встают.

Отпуст

Благословляя: Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в. Х: Ами́нь.

С: Сла́ва Тебе́, Христе́ Бо́же, упова́ние на́ше, сла́ва Тебе́.

Х:Сла́ва, и ны́не: Го́споди, поми́луй. (Трижды) Благослови́.

С: [Воскресы́й из ме́ртвых] Христо́с, и́стинный Бог наш, моли́твами Пречи́стыя Своея́ Ма́тере, святы́х сла́вных и всехва́льных апо́стол, (поминает святого дня), и́же во святы́х отца́ на́шего Иоа́нна, архиепи́скопа Константи́на гра́да, Златоу́стаго, святы́х пра́ведных богооте́ц Иоаки́ма и А́нны, и всех святы́х, поми́лует и спасе́т нас, я́ко благ и человеколю́бец. Х: Ами́нь.

При желании хор поетмноголетие.

 

Миссионерская библиотека православного христианина

МИССИОНЕРСКИЙ ЧИН ЛИТУРГИИ
СВ. ИОАННА ЗЛАТОУСТА

Брянск 2021

По благословению Преосвященнейшего
…

Составитель: иерей Александр Домбровский
Редактор: Нина Каминская

Миссионерский чин литургии – Брянск, Новый проект, 2021 г. – 24 с. (Серия «Миссионерская библиотека православного христианина», вып. 2).

Мы привыкли, что Божественная литургия совершается торжественно и пышно, в великолепных храмах и соборах. Но иногда случается, что Евхаристия совершается для небольшой группы людей. Например, в обычном доме, больнице, в скромной сельской часовне или молитвенной комнате – почти в такой же простоте, какой она и была в первые века церковной истории. Она может совершаться без колоколов и кадильного дыма. Возможно, на самом обычном столе с минимальным количеством атрибутов. Но, в любом случае, совершаемая торжественно или очень скромно, это та же самая Божественная служба, открывающая нам тайну сопричастности с Господом Иисусом Христом и друг с другом.

 

                                                             © Православный молитвослов, 2021
                                                                © «Новый проект», 2021

Подписано в печать с оригинал-макета 07.06.2021 г. Формат 60х84 1/16. Бумага офсетная??. Печать офсетная??. Усл. печ. л. 1,5. Тираж 50 экз. Заказ №??. Отпечатано в типографии ООО «Новый проект». г. Брянск, пер. Урицкого, 18, тел.: 74-47-86.

ЛИТУРГИЯ СЛОВА

Священник тихо молится: Го́споди, низпосли́ ру́ку Твою́ с высоты́ свята́го жили́ща Твоего́ и укрепи́ мя в предлежа́щую слу́жбу Твою́, да неосужде́нно предста́-ну стра́шному престо́лу Твоему́, и безкро́вное священноде́йствие совершу́, я́ко Твоя́ есть си́ла и сла́ва во ве́-ки веко́в. Ами́нь.

Кланяется всем со словами: Прости́те меня́, бра́тья и се́стры. Все: Бог прости́т.

Воздев руки: Сла́ва в вы́шних Бо́гу, и на земли́ мир, в челове́цех благоволе́ние. (Дважды)

Го́споди, устне́ мои́ отве́рзеши, и уста́ моя́ возвестя́т хвалу́ Твою́.

Возглашает: Благослове́но Ца́рство Отца́ и Сы́на и Свята́го Ду́ха, ны́не и при́сно, и во ве́ки веко́в.

Хор: Ами́нь. Все садятся. Хор поет антифон.

Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́трен-няя моя́ и́мя святое́ Его́. / Благослови́, душе́ моя́, Го́с-пода, / и не забыва́й всех воздая́ний Его́. / Очища́юща-го вся беззако́ния твоя́, / исцеля́ющаго вся неду́ги твоя́. / Избавля́ющаго от истле́ния живо́т твой, / венча́юща-го тя ми́лостию и щедро́тами. / Исполня́ющаго во благи́х жела́ние твое́: / обнови́тся, я́ко о́рля, ю́ность твоя́. / Творя́й ми́лостыни Госпо́дь, / и судьбу́ всем оби́димым. / Сказа́ пути́ Своя́ Моисе́ови, / сыново́м Изра́илевым хоте́ния Своя́. / Щедр и ми́лостив Госпо́дь, / долготерпели́в и многоми́лостив.

Благослови́, душе́ моя́, Го́спода. / Благослове́н еси́, Го́с-поди. / Благослови́, душе́ моя́, Го́спода, / и вся вну́трен-няя моя́ и́мя святое́ Его́.

Сла́ва Отцу́ и Сы́ну и Свято́му Ду́ху, и ны́не и при́сно, и во ве́ки веко́в. Ами́нь.

Единоро́дный Сы́не и Сло́ве Бо́жий, безсме́ртен сый / и изво́ливый спасе́ния на́шего ра́ди / воплоти́тися от Свя-ты́я Богоро́дицы и Присноде́вы Мари́и, / непрело́жно вочелове́чивыйся, / распны́йся же, Христе́ Бо́же, сме́р-тию смерть попра́вый, / еди́н сый Святы́я Тро́ицы, / спрославля́емый Отцу́ и Свято́му Ду́ху, спаси́ нас.