П раздника Триоди (Антипасхи) со ирмосом на 6 (ирмосы по дважды) и блаженной на 8.

Песнь 1:

Канон праздника Триоди (Антипасхи), глас 1 со ирмосом на 6 (ирмосы по дважды):

Ирмос: П ои́м вси лю́дие, / от го́рькия рабо́ты фарао́ни Изра́иля изме́ншему, / и во глубине́ морсте́й нога́ми немо́крыми наста́вльшему, / / песнь побе́дную, я́ко просла́вися.   (Дважды)

Припев: Пое́м Го́сподеви, сла́вно бо просла́вися. Коня́ и вса́дника вве́рже в мо́ре.

Тропарь: Днесь весна́ душа́м,/ зане́ Христо́с от гро́ба я́коже со́лнце возсия́в тридне́вный, / мра́чную бу́рю отгна́ греха́ на́шего. / Того́ воспои́м, я́ко просла́вися.

Припев: Помо́щник и Покрови́тель бы́сть мне во спасе́ние, Сей мой Бог и просла́влю Его, Бог отца моего, и вознесу Его.

Тропарь: Днесь весна́ душа́м,/ зане́ Христо́с от гро́ба я́коже со́лнце возсия́в тридне́вный, / мра́чную бу́рю отгна́ греха́ на́шего. / Того́ воспои́м, я́ко просла́вися.

Припев: Г оспо́дь сокруша́яяй бра́ни, Госпо́дь и́мя Ему́: колесни́цы фарао́новы и си́лу его ве́рже в мо́ре.

Тропарь: Ц ари́ца време́н, светоно́сному дню, / дней же царю́ я́вственнейши даронося́, / кра́сит избра́нныя лю́ди церко́вныя, / непреста́нно поя́ воскре́сшаго Христа́.

Припев: Пучи́ною покры я, погрязо́ша во глубине, яко камень.

Тропарь: В рата́ смерти, Христе́, / ниже́ гро́бныя печа́ти, ниже́ ключи́ двере́й Тебе́ проти́вишася, / но воскре́с предста́л еси́ друго́м Твои́м, Влады́ко, / мир да́руяй, всяк ум преиму́щ.

Кано́н блаженной, глас 8 на 8:

Припев: Тогда потща́шася влады́ки Едо́мстии и князе́й Моави́тских, прия́т я трепет, раста́яща вси живу́щии в Ханаа́не.

Тропарь: Бо́же Всеми́лостиве, сподо́би ны, недосто́йныя,/ воспе́ти уго́дницу Твою́ Матро́ну,/ на́шу изря́дную пред Тобо́ю хода́таицу и моли́твенницу.

Припев: Нападе́т на ня стра́х и тре́пет, вели́чием мышцы Твоея да окаменя́тся.

Тропарь: Бо́же Всеми́лостиве, сподо́би ны, недосто́йныя,/ воспе́ти уго́дницу Твою́ Матро́ну,/ на́шу изря́дную пред Тобо́ю хода́таицу и моли́твенницу.

Припев: Д о́ндеже про́йдут лю́дие Твои́, Го́споди, до́ндеже про́йдут лю́дие Твои́ сии́, я́же стяжа́л еси́.

Тропарь: Бо́же Всеми́лостиве, сподо́би ны, недосто́йныя,/ воспе́ти уго́дницу Твою́ Матро́ну,/ на́шу изря́дную пред Тобо́ю хода́таицу и моли́твенницу.

Припев: С оде́лал еси́, Го́споди, святы́ню, ю́же угото́васте ру́це Твои́.

Тропарь: Л юбо́вию ко Христу́ от младе́нческих пеле́н уязви́лася еси́/ и Тому́ неле́ностно в житии́ твое́м служи́ла еси́, ма́ти блаже́нная.

Припев: Г оспо́дь ца́рстуяй ве́ки, и на век и еще́: егда́ вни́дет ко́нь фарао́нов с колесни́цами и вса́дники в мо́ре.

Тропарь: Л юбо́вию ко Христу́ от младе́нческих пеле́н уязви́лася еси́/ и Тому́ неле́ностно в житии́ твое́м служи́ла еси́, ма́ти блаже́нная.

Припев: С ы́нове же Изра́ильстии проидо́ша су́шею посреде́ мо́ря.

Тропарь: И збра́нный сосу́д Ду́ха Свята́го яви́лася еси́,/ благода́ть бо Бо́жию от святы́я купе́ли до конца́ дний твои́х/ при́сно усе́рдно возгрева́ла еси́, ма́ти блаже́нная.

Сла́ва Отцу́ и Сы́ну и Свято́му Ду́ху.

Тропарь: И збра́нный сосу́д Ду́ха Свята́го яви́лася еси́,/ благода́ть бо Бо́жию от святы́я купе́ли до конца́ дний твои́х/ при́сно усе́рдно возгрева́ла еси́, ма́ти блаже́нная.

И ны́не и при́сно и во ве́ки веко́в, ами́нь.

Богородичен: Арха́нгельски пе́снь Тебе́ пое́м, Чи́стая:/ ра́дуйся, Обра́дованная, Мари́е, Ма́ти Христа́ Бо́га,/ при́сно моля́щаяся за род наш.

Катава́сия Па́схи:

Хор: В оскресе́ния день, / просвети ́ мся, лю ́ дие. / Па ́ сха, Госпо́дня Па́сха, / от сме́рти бо к жи ́ зни, / и от земли́ к небеси ́, / Христо ́ с Бог нас преведе ́, / побе ́ дную пою ́ щия.

 

Песнь 3:

Канон праздника Триоди (Антипасхи), глас 1 со ирмосом на 6 (ирмосы по дважды):

Ирмос: Утверди́ мене́, Христе́, / на недви́жимом ка́мени за́поведей Твои́х, / и просвети́ мя све́том лица́ Твоего́, / несть бо свят па́че Тебе́, Человеколю́бче. (Дважды)

Припев: У тверди́ся се́рдце мое́ в Го́споде, вознесе́ся ро́г мо́й о Бо́зе мое́м, расшири́шася уста́м моя́ на враги́ моя́, возвесели́хся о спасе́нии Твое́м.

Тропарь: Но́выя вме́сто ве́тхих, / вме́сто же тле́нных нетле́нныя, / Кресто́м Твои́м, Христе́, соверши́в нас, / во обновле́нии жи́зни жи́тельствовати досто́йно повеле́л еси́.

 Припев: Я́ ко не́сть свя́т, я́ко Госпо́дь, и не́сть пра́веден, я́ко Бо́г на́ш, и не́сть свя́т, па́че Тебе́.

Тропарь: Но́выя вме́сто ве́тхих, / вме́сто же тле́нных нетле́нныя, / Кресто́м Твои́м, Христе́, соверши́в нас, / во обновле́нии жи́зни жи́тельствовати досто́йно повеле́л еси́.

Припев: Н е хвали́теся и не глаго́лите высо́кая в горды́ни, ниже́ да изы́дет велере́чие изъ у́ст ва́ших.

Тропарь: В о гро́бе заключе́н опи́санною пло́тию Твое́ю, / неопи́санный, Христе́, воскре́сл еси́, / две́рем же заключе́нным, / предста́л еси́ Твои́м ученико́м, Всеси́льне.

Припев: Я́ ко Бо́г ра́зумов Госпо́дь, и Бо́г уготовля́яй начина́ния Своя́.

Тропарь: Я́звы Твоя́, Христе́, / я́же во́лею претерпе́л еси́ за нас, / ученико́м Твои́м сохрани́в, свиде́тельство показа́л еси́ / Твоего́ сла́внаго Воскресе́ния.

Кано́н блаженной, глас 8 на 8:

Припев: Д ая́й моли́тву моля́щемуся и благослови́ ле́та пра́веднаго.

Тропарь: Житие́м богоуго́дным и пра́ведным освяти́лася еси́, ма́ти блаже́нная,/ те́мже и нам, с ве́рою к тебе́ прибега́ющим,/ помози́ благода́ти Бо́жия испо́лнимся.

Припев: Г оспо́дь не́мощна сотвори́ супоста́та его́, Госпо́дь Свя́т.

Житие́м богоуго́дным и пра́ведным освяти́лася еси́, ма́ти блаже́нная,/ те́мже и нам, с ве́рою к тебе́ прибега́ющим,/ помози́ благода́ти Бо́жия испо́лнимся.

Припев: Д а не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.

Тропарь: Житие́м богоуго́дным и пра́ведным освяти́лася еси́, ма́ти блаже́нная,/ те́мже и нам, с ве́рою к тебе́ прибега́ющим,/ помози́ благода́ти Бо́жия испо́лнимся.

Припев: Н о о се́м да хва́лится хваля́йся, е́же разуме́ти и зна́ти Го́спода, и твори́ти су́д и пра́вду посреде́ земли́.

Тропарь: Х риста́ Человеколю́бца, Его́же от ю́ности твое́я возлюби́ла еси́, ма́ти свята́я,/ моли́ утверди́тися нам на ка́мени за́поведей Его́.

Припев: Г оспо́дь взы́де на Небеса́ и возгреме́, то́й су́дит конце́м земли́, Пра́веден Сы́й.

Тропарь: Х риста́ Человеколю́бца, Его́же от ю́ности твое́я возлюби́ла еси́, ма́ти свята́я,/ моли́ утверди́тися нам на ка́мени за́поведей Его́.

Припев: И да́ст кре́пость царю́ на́шему, и вознесе́т ро́г христа́ Своего́.

Тропарь: Ц е́ркве Зижди́тель Госпо́дь/ светообра́зное ча́до церко́вное соде́ла тя, пра́ведная ма́ти,/ и в любви́ Свое́й утверди́ тя, я́ко Человеколю́бец.