По 1-м стихословии седален, глас 8-й.

СЛУЖБА

 СВЯТОМУ ВЕЛИКОМУЧЕНИКУ

ЦЕСАРЕВИЧУ АЛЕКСИЮ

Служба

 святому великомученику царевичу Алексию

 

На велицей вечерне

Блажен муж: 1-й антифон.

На Господи, воззвах:

стихиры на 8, глас 2-й.

П лод благословен молитв Саровскаго чудотворца/ и чаемый наследник царственных родителей быв/ надежда, славо и упование России/ и радость людем православным явился еси/ святый царевичу Алексие/ Божиим же промышлением/ многия скорби и недуги/ измлада безропотно терпел еси/ и, яко агнец непорочный/ убиение от злочестивых приял еси/ ныне же ликуеши, яко наследник Царствия Небеснаго/ сего ради тя присно ублажаем.

 

   Д аровал еси Судия праведный/ супругом царственным/ яко адамант диадимы Христовой/ и чистоты источниче/ непорочен путь твой/ Алексие царевиче святый/ и на высоких поставляет тя Бог.

 

К вышним душею детскою/ яко Ангел устремился/ Алексие, наследниче благоверный/ кротость и милосердие в сердце стяжавый/ вмале наказан быв/ великими облагодетельствован был еси/ яко Бог искуси тя/ и обрете достойна Себе.

     

  Е гда болезнию лютою уязвлен быв/ надежда царства Православнаго и наследниче Престола Российскаго/ и отступиша от тебе врачеватели/ тогда молитвами ангела- хранителя рода царскаго/ старца мученика Григория/ прилоги змия древняго/ род царей Православных низложити хотящаго/ отражены бысть.

 

    Е гда на Святей Руси/ тяжкаго испытания время наста/ ты наследниче царский/ яко отрок Авраамль - Исаак/ на руку отца несенный на заколение/ яко агнец пред стригущим его безгласен/ кровь твою, яко алавастр мира Христу приносяй. 

 

Х отя спасти державу Православную от разорения/ многажды отец святый твой/ к народу блудному снисходил еси/ последи же, отрекаясь, тя в свое место предложил есть/ да сына устыдятся/ о, велие смирение твое/ не о правах твоих вопрошал тогда/ а о судьбе России/ темже ныне умоли Вседержителя о ней/ ему же ныне предстоиши.

 

  О, святый наследниче престола Русскаго/ купно со царственными родителями твоими и сестрами/ во узах заточения все упование на Бога возложиша/ образ терпения всей земли Российстей явистеся/ вы бо молящееся о мучителех/ клевету, глумление, оболгание/ убиение и телес всесожжение/ мужественне претерпели есте/ сего ради вас присно прославляем.

                      

Слава, глас 2-й:

Совершающе память твою/ царевиче славне/ хвалим тя вси/ нам бо показал еси/ яко в страданиях лютых ничесоже боятися/ кроме утраты любве Христовой/ долгоумиранием твоим злобу жидовскую истощивый/ потоками крови твоея доныне заграждаеши потоки беззакония.

 

И ныне, глас тойже:

Прейде сень законная,/ благодати пришедше:/ якоже бо купина не сгораше опаляема,/ тако Дева родила еси/ и Дева пребыла еси./ Вместо столпа огненнаго/ праведное возсия Солнце,/ вместо Моисея – Христос,/ спасение душ наших.

 

                         Вход.

  Прокимен дне.

И чтения.

Премудрости соломоновы чтение [глава 3]:

            Праведных души в руце Божией, и не прикоснется их мука. Непщевани быша во очию безумных умрети, и вменися озлобление исход их, и еже от нас шествие сокрушение: они же суть в мире. Ибо перед лицем человеческим аще и муку приимут, упование их безсмертия исполнено: и вмале наказани бывше, великими благодетельствовани будут, яко Бог искуси их и обрете их достойны себе: яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут: судят языком и обладают людьми, и воцарится в них Господь во веки. Надеющиися Нань уразумеют истину, и вернии в любви пребудут Ему, яко благодать и милость в преподобных Его и посещение во избранных Его.

Царств третиих чтение [главы 8 и 9]:

 

Ста Соломон пред лицем олтаря Господня пред всем собором Израилевым и воздвиже руце свои на небо, и рече: Господи Боже Израилев, несть якоже Ты Бог на небеси горе и на земли низу, храняй завет и милость рабу Твоему ходящему пред Тобою всем сердцем своим, яже сохранил еси рабу Твоему Давиду, отцу моему: ибо глаголал еси усты Твоими и рукама Твоима совершил еси, якоже день сей: и ныне, Господи Боже Израилев, сохрани рабу Твоему Давиду, отцу моему, яже рекл еси Ему, глаголя: не оскудеет муж от лица моего седяй на престоле Израилеве, токмо аще сохранят чада Твоя пути своя, еже ходити предо мною, якоже ходил еси предо мною: и услышиши молитву раба Твоего и людий Твоих Израиля, о нихже помолятся на месте сем: и Ты услышиши на месте обиталища твоего на небеси, и сотвориши и помилуеши: елика, аще согрешит кийждо ко искреннему своему, и аще приимет на него клятву еже кляти его, и приидет, и исповесть пред лицем олтаря твоего в храме сем: и ты услышиши от небесе, и сотвориши суд людем Твоим Израилю: осудити беззаконнаго, дати путь его на главу его, и оправдити праведнаго, дати ему по правде его: егда падут людие твои Израиль пред враги, яко согрешат Ти, и обратятся к Тебе, и исповедятся имени Твоему, и помолятся и возглаголют молитву к Тебе в храме сем: и ты услышиши с небесе, и милостив будеши о согрешениих людий своих Израиля, и возвратиши я в землю, юже дал еси отцем их: яко согрешат Ти, яко несть человек, иже не согрешит, и разгневаешися на ня, и предаси я пред враги, и попленят их пленящии в землю далече, или близ, и обратят сердца своя в земли, аможе преселишася, и обратятся, и помолятся Тебе в земли преселения своего, глаголюще: согрешихом, беззаконновахом, неправдовахом: и обратятся ко Тебе всем сердцем своим и всею душею своею в земли враг своих, аможе превел еси их, и помолятся к Тебе по пути земли своея, юже дал еси отцем их, и ко граду,егоже избрал еси, и ко храму, егоже создах имени Твоему: и услышиши от небесе, от готоваго жилища Твоего молитву их и моление их, и сотвориши оправдание им: да будет Господь Бог наш с нами, якоже бе со отцы нашими: да не оставит нас, ниже да отвратит нас, преклонити сердца наша к нему, еже ходити во всех путех Его и хранити вся заповеди Его и повеления Его и оправдания Его, яже заповеда отцем нашим: и рече к Соломону Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи мои ту и сердце мое во вся дни: и ты аще пойдеши предо мною, якоже ходи Давид, отец твой в преподобии сердца и в правоте, и еже творити по всем, яже заповедах ему, и повеления моя и заповеди моя сохраниши: и возставлю престол царствия твоего во Израили во веки, якоже глаголах к Давиду, отцу твоему, глаголя: не оскудеет ти муж властелин во Израили.

    Пророчества Исаиина чтение [главы 61 и 62]:

 

Дух Господень на мне, егоже ради помаза мя, благовестити нищым посла мя, исцелити сокрушенныя сердцем, проповедати пленником отпущение и слепым прозрение, нарещи лето Господне приятно и день воздаяния; утешити вся плачущыя, дати плачущым Сиона славу вместо пепела, помазание веселия плачущым, украшения славы вместо духа уныния, и нарекутся родове правды, насаждение Господне во славу. Да возрадуется душа моя о Господе: облече бо мя в ризу спасения и одеждею веселия одея мя: яко на жениха, возложи на мя венец, и, яко невесту, украси мя красотою. И яко земля, растящая цвет свой, и яко вертоград семена своя прозябает, тако возрастит Господь, Господь правду и веселие пред всеми языки. Сиона ради не умолчу и Иерусалима ради не попущу, дондеже изыдет, яко свет, правда моя и спасение мое, яко светило, разжжется. И узрят языцы правду Твою, и царие славу Твою, и прозовут Тя именем новым, имже Господь наименует е. И будеши венец доброты в руце Господни и диадима царствия в руце Бога твоего. И не прозовешися ктому оставлен, и земля твоя ктому не наречется пуста: тебе бо прозовется воля моя, и земля твоя вселенная: яко благоволи Господь в тебе, и земля твоя вкупе населится. И якоже живяй юноша с девою, тако поживут сынове твои с тобою: и будет якоже радуется жених о невесте, тако возрадуется Господь о тебе.

 

На литии стихиры, глас 5-й:

 Приидите, Небеснии предстателие царственнии наши/ вашего чающим милостивнаго посещения/ и избавите лютаго неистовства богопротивных/ от нихже яко пленницы и нази гоними есмы/ ущедрите убо прехвальнии/ и даруйте нам ослабу/ утолите бурю и угасите на ны гонения/ Бога моляще/ подающаго вами земли нашей велию милость.

 

Слава, глас 6-й:

   Не имамы мы ныне нрава добродетельна/ яко миро приносим Ти, Господи/ святых царственных мучениц/ Не отвержи Русь издревле Святую/ ныне же грехов наших ради люте страждущую/ Приими нас кающихся Боже,/ святых Твоих молитвами.

И ныне, глас тойже.

  Богородице Ты еси лоза истинная/ возрастившая нам Плод Живота/ Тебе молимся, молися Владычице /с царственными великомученики/ помиловати души наша.

 

 

                На стиховне стихиры, глас 2-й.

  Отроче от утробы матери Богом предизбранный/ к вышним душею детскою/ яко Ангел устремился святый царевиче Алексие/ родители, сродники и ближняя возлюбил еси/ и яко агнец незлобивый,/ руками злочестивых убиен,/ новый отрок великомученик явился еси.

 

Стих: Вознесох избраннаго/ от людей Моих.

Радуйся святый царевиче Алексие/ ты еси всесожжение за грехи народа твоего/ аще и муки велия приял еси/ упование твое безсмертия исполнено есть/ Темже ныне в Горнем Алтаре предстоя/ молися о спасении людей Твоих.

 

Стих: Елеем святым Моим/ помазах его.

Странное чудо о тебе видевши/ мира устранимся, ум на Небеса вознесем/ яко высото девства и кротости на земли/ на Небе – архистратиже всех чад убиенных/ услыши нас/ яко десница Божия по молитве к тебе сокрушает враги.

 

Слава, глас 8-й.

Наследниче престола Русскаго/ от юности Царя славы возлюбил еси,/ да Ему до смерти последуеши/ якоже Церковь проповедует:/ Слава Христа Бога - / Крест и Воскресение./ Ныне же славу Небесную от Христа приемый,/ прими и земное прославление/ и моли спастися душам нашим.

И ныне, глас тойже:

О, преславнаго чудесе! Небесе и земли Царица,/ от святых царственных мученик умоляемая,/ до ныне землю Русскую покрывает/ О Владычице Державная!/ Не престани и на время грядущее/ во утверждение на Руси православия/ милости и чудеса изливати до века. Аминь.

                                         

Тропарь, глас 3-й.

С вятая отрасль Романова корене,/ мучениче цесаревичу Алексие,/ на земли болезними слезами,/ последи же кровьми своими увенчался еси,/ ныне предстоя на Небеси Царю Христу,/ моли Его да поставит законоположителя в стране Российстей/ и уразумеем, яко человецы есмы.

                                           

 

 

                            НА УТРЕНИ

  

 

На Бог Господь: тропарь великомученику дважды.

Слава, и ныне, Богородичен:

    Тя, ходатайствующую спасение рода нашего,/ воспеваем, Богородице Дево:/ плотию бо от Тебе восприятою/ Сын Твой и Бог наш,/ крестом восприим страсть,/ избави нас от тли, яко Человеколюбец.

                         

Канон

святому  царевичу Алексию, глас 6-й:

                                                  

Песнь 1

Ирмос: Волною морскою/ Скрывшаго древле/ гонителя мучителя/ под землею скрыша спасенных отроцы/ но мы, яко отроковицы,/ Господеви поим/ славно бо прославися.

Припев: Святии царственнии великомученицы, молите Бога о нас.

Святии царственнии великомученицы седмочисленнии, сугубые заступники и покровители земли Русския, пения всякаго достойна память ваша, вы бо образ исповедничества и ревности по Бозе верным людем показавшее, яко любы токмо победит зло, паче прощати гонящим и молитву творити за них, темже молимся вам не оставите нас в годину лютую.

Припев: Святый великомучениче царевиче Алексие, моли Бога о нас.

Чистоты источниче и смирения, агнец Русский, боготечною звездою явися житие твое, но яко приявший венцы терпения, страдания и кротости, подаждь и нам сия добродетели во времена тяжкие.

Слава: Троичен:

Уме Безначальный Отче, Сообразный Божий Слове, Душе Божественный, Благий и Правый, воспевающыя верно Твою державу соблюди, яко Благоутробен.

И ныне: На Твой надеющееся покров, Мати Божия, со святыми царственными великомученики, молися во еже спастися Руси Святей.

                                             

Песнь 3.

Ирмос: Тебе на водах повесившаго всю землю неодержимо/ тварь видевши на Лобнем висима/ ужасом многим содрогашеся,/ несть Свят,/ разве Тебе, Господи, взывающее.

 

Во страданиях ваших царственнии мученицы, не отвергостеся Пути, Истины и Живота, Христа Бога нашего, не устрашистеся лютых богоборцев, но в терпении наследовали жизнь вечную.

 

Страданием в недузех многолетнем, сердце твое царевиче святый укреплено бысть, возлюблен же был Отцем Иже на Небесех, ныне в славе вечней пребываеши, моли Творца нашего во еже спастися нам.

Слава, Троичен:

Возвышаяй мысль, Единице Трисветлая, души и сердца Твоих певец скоро возведи, сияния Твоего и светлости сподоби.

И ныне:

Державным Твоим покровом, Чистая, раби Твоя сохрани вся невредимы. Тя бо едину имамы Прибежище в нуждах, утешене в скорбех и победу во бранех наших.

 

Седален, глас 4-й:

Егда мнози от сродник наших отступиша от Бога,/ отвратишася Божиих заповедей и воссташа на Господа и помазанника Его,/ тогда гнев Божий на землю Русскую прииде,/ иссяче любы многих, пролияся кровь братий наших,/ расточишася людие русския по всему лицу земли,/ храми наша поруганию предашася,/ глади и нашествия иноплеменник постигоша ны, и быхом посмеяние христоборцем./ Мы же, разумеющее сие, с сокрушенным сердцем в покаянии зовем:/ прости и помилуй нас, Господи, по велицей милости Твоей,/ очисти беззакония наша/ и подаждь страждущей стране Российстей/ предстательством царственных мученик/ прощение грехов богоотступничества, клятвопреступления и цареубийства, мир земли нашей и велию милость.

                    Слава и ныне, Богородичен:

Умоли Милосердая Мати Света, Сына Твоего и Бога нашего/ о еже возставити державу нашу Православную,/ избавити ю от междуусобныя брани/ укрепити Святую Церковь от ересей и расколов и оградити ю от неверия.

Песнь 4.

Ирмос: На Кресте Твое Божественное истощание/ провиядя, Аввакум, ужасся, вопияше:/ Ты сильных пресекл еси державу, Блаже,/ приобщаяся сущим во аде,/ яко Всесилен.

 

На высоте славы человечей пребывая, о Небесных присно помнили есте святи мученицы венценоснии и Царствия Божия причастницы соделастеся, примите покаяние наше и молите Триединаго Бога страну нашу Русскую во истенней вере утвердити.

 

Прежде рождения, по рождении и по смерти в руце Божией пребываяяй, царевиче святый, непорочен бо путь твой и на высоких поставляй тя Бог, яко не премудрых и сильных, но тя избра Господь, яко тобою лютыя люди посрамляются, нас же молитвами твоими укрепи в вере непоколебимей.

 

Слава, Троичен:

 Помышляюще естество Богоначальное, промыслительное и спасительное всех сущее Владыко, Трисветлое же Едино, к Тебе утренююм, прощения просящее грехопадений.

  

И ныне: Яко Взбранная Воеводо воинства Православнаго, державный покров и милостивое заступление явила еси Пресвятая Дево земли нашей. Сего ради, ныне молим Тя: прости люди согрешшия и сохрани Святую Русь.

                                         

Песнь 5.

Ирмос: Богоявления Твоего, Христе,/ к нам милостивно бывшего,/ Исаия, Свет видев Невечерний,/ из нощи утреневав, взываше:/ воскреснут мертви, и возстанут сущии во гробех,/ и вси земнороднии возрадуются.

 

Яко достойное пение примите, святи мученицы царственнии, малое моление сие и якоже Христос прият вдовицы две лепте, не возгнушайтеся нас окаянных, страстьми обуреваемых, убогих чтителей и служителей ваших.

 

Стопам отца своего святаго следовал еси, наследниче благоверный, во время брани всемирной юнейший ратник в войске отца твоего был еси, показуя ратнаго отечестволюбия образ, ныне же архистратиг всех чад убиенных на Небеси пребываеши, не остави и нас в молитвах твоих.

 

Слава, Троичен: Отче, и Сыне, со Духом Святым призрина ны, верою Тебе покланяющиеся, и славящия державу Твою, и Благоутробне, со огненными брении, иного бо разве Тебе не веемы, и возопий поющим Тя: Аз есмь с вами и никтоже на вы.

 

И ныне: На Твой надеющееся покров, Мати Божия, со святыми царственными великомучениками прославляем милосердие Твое.

 

Песнь 6.

Ирмос: Ят бысть, но не удержан в персех китовых Иона:/ Твой бо образ нося,/ страдавшаго и погребению давшагося,/ яко от чертога, от зверя изыде;/ приглашаше же кустодии:/ хранящия суетная и ложная, милость сию оставили есте.

 

Уврачуйте молитвами вашими, святи царственнии мученицы, люди богоборныя на Церковь Православную и Русь святую враждно движущия и от всеконечнаго погубления землю нашу сохраните.

 

Взываем ти, царевиче святый: о, чадо сладчайшее! О, славо Русская! О, лепото неприступная! Великомучениче в житии твоем и в час последний, царскую порфиру кровию твоею обагряяй. Но не пресечеся тобою род царственный. О сем, Господа Вседержителя славим.

 

Слава, Троичен: Премудрость и разум, Богоначалие Трисветлое певцем Твоим даруй, и доброты лучами светодетельныя Твоея благости осияватися всех сподоби.

 

И ныне: Изведи нас из рова погибели и уврачуй наша греховныя язвы, Пресвятая Мати Дево, да неосужденно сподобимся предстати Судие Праведному, о сем Пречистая со царственными мученики предстательствуй о нас.

 

Кондак, глас 6-й.

Кротостию Агнцу и чистотой крину сельному уподобивыйся, яко луч светлый державным родителем был еси, святый царевичу Алексие, от врагов веры Православныя умученный, озари молитвами твоими сердца любящих тя, да не погибнем зле без покаяния.

                                                   

Икос

Стена еси младенцем, отроком и отроковицам ты, о Царевиче, гной и смрад мерзостей содомских нетрудно изгоняющий, иго благое и бремя легкое в сердца водворяющий, поюще твое рождество, хвалим тя вси: Радуйся, царевиче Алексие, защитниче теплый целомудрия.

Песнь 7

Ирмос: Неизреченное чудо/ в пещи Избавивый преподобныя отроки из пламене/ во Гробе мертв, бездыханен полагается/ во спасение нас поющих:/ Избавителю, Боже,/ благословен еси.

 

Вопием верни: да воскреснет Русь Святая молитвами святых мученик царственных, Господи, и да расточатся вси врази ея вскоре, и от лица ея да бежат вси ненавидящие ю отныне и до века.

 

Новаго человека Божия яви тя Христос Бог и облекл тя в ризу спасения, людей, же зревших тя яко владыку грядущаго державы Русския, сердца умилялися видети славу Божию в немощи совершающуюся.

Слава, Троичен: Владыко Боже, призри с Небесе и виждь наше смирение яко Щедр, и умилосердися Человеколюбче Преблагий, ни откуду бо надеемся прощения получити злых, ихже согрешихом, темже буди с нами, и никтоже на ны.

И ныне: В кров Твой, Пречистая Дево, прибегающих мольбу приемлеши от нас, не престай молити Человеколюбца, спасти души наша.

        

Песнь 8

Ирмос:  Ужаснися, бояйся, Небо,/ и да подвижатся основания земли:/ се бо в мертвецех вменяется в Вышних Живый/ и во Гроб мал странноприемлется./ Егоже отроцы, благословите, священницы, воспойте,/ людие превозносите во вся веки.

 

Предстоящие Царю царствующих и Господу господствующих, святиии царственнии мученики, непрестанно молят Бога: спаси Господи люди Твоя и благослови достояние Твое, страну нашу Русскую помилуй, Милостиве Вседержителю, во веки веков. Аминь.

            

Взирающе на образ твой, царевиче святый, о, людие русския, возопим: кровь твоя царевиче, на нас и чадех наших. Обаче покаяния должного о сем, не имет народ, живот его аду приближися. Моли царевиче святый Спаса, да умягчит слезами покаянными сердца народа, во гресех погрязшаго, да покаявшись не погибнут во веки.

 

Слава, Троичен: Еже Свет Единочестный и Трисолнечный, и Светодетельный, Божество сущее, озари вероюТя поющих, и от мрачнаго избави злодейства, и сподоби светлейших Твоих селений, яко Преблагий.

  И ныне: Державный покров и стену необориму стяжавшее Тя, Приснодево Богородица, упование на Тя с Богом возлагаем и прилежно молим, силою Твоею стрелы вражия и козни вся бесовския немощны покажи и крепкая Помощнице нам буди.

                                                  

Песнь 9

Ирмос: Не рыдай Мене, Мати,/ зрящи во Гробе,/ Егоже во чреве без семени зачала еси Сына:/ восстану бо и прославлюся,/ и вознесу со славою непрестанно, яко Бог,/ верою и любовию Тя величающия.

 

Царственные мученики святи, кровию своею Русь от всеконечнаго погубления спасшие, Владыку всех молите, Церковь Русскую в Православии истинном утвердити, землю нашу от скверн очистити, люди в благочестии сохранити во общее всех спасение.

 

О, царевиче мучениче! Во страданиях жизнь свою истощивый, обретший очи зрети страдания ближняго, ты сам веси имя коегождо от нас: помяни нас в молитве к Богу.

 

  Слава, Троичен: О, Троице Пресвятая, род наш от греховнаго пленения избави, на путь правый настави, предстательством великомучеников царских, иже молят Тя, Триипостасный Боже, о спасении душ наших.

  И ныне: Заступницу нашу Тя веемы, Богородице, непрестанно о нас молишися, во еже покаятися нам, упование и прибежище душ наших.

Светилен:

Невечернему Свету предстоиши, царевичу святый, со царственными мученики, во испытаниях не оставляйте ны молитвами вашими.

 

Слава и ныне, Богородичен:

Рождшая Свет Незаходимый, просвещающий седящих во тьме неведения и прелести, озари и нас, грешных, светом Сына Твоего.

На хвалитех

стихиры на 4, глас 8.

Отрасле от древняго рода царскаго, царевиче святый, тя яко всеплодие жертвенное приял есть Бог, заступление нам суть честная страдания твоя, укрепляющий нас к безстрашному свидетельству Истины, того моли спастися нам. (Дважды)

 

Царевиче Алексие, наказание телесное на себе измлада понесый, четыренадесят лет влекл еси дрова, еже во всесожжение, - дрова сии – грех народа русскаго, ныне ты – стено плача народа Русскаго, моли Спаса Всемилостиваго, народ наш к покаянию привести, да спасет державу Русскую.

Избрании Творцом Всемогущим от рода царей Русских, благовернии мученицы царския, венцев Небесных сподобившиеся, к вам, яко покровителям нашим, с любовию благодарне вопием: радуйтеся царственнии мученицы, за Русь Святую пред Богом усердныя молитвенницы.

 

Слава, глас тойже:

О, благоверный царевичу Алексие, во смирении сердца ты глаголал еси: внегда мне царствовати, да не обрящутся нищи и убозии. Егда же крестным путем жития твоего и мученическою твоею кончиною в Царство Небесное возшел еси, идеже имея дерзновение велие, молишися о всех, твоея помощи требующих.

И ныне, глас тойже:

О, преславнаго чудесе! Небесе и земли Царица, от святых царственных мученик умоляемая, до ныне землю Русскую покрывает и лика Своего изображении милостивно обогащает. О, Владычице Державная! Не престани и на час грядущий, во утверждение на Руси Православия милости ичудеса изливати до века. Аминь

 

НА ЛИТУРГИИ:

Многолетствие

 

СЛУЖБА

 СВЯТОМУ ВЕЛИКОМУЧЕНИКУ

ЦЕСАРЕВИЧУ АЛЕКСИЮ

Служба

 святому великомученику царевичу Алексию

 

На велицей вечерне

Блажен муж: 1-й антифон.

На Господи, воззвах:

стихиры на 8, глас 2-й.

П лод благословен молитв Саровскаго чудотворца/ и чаемый наследник царственных родителей быв/ надежда, славо и упование России/ и радость людем православным явился еси/ святый царевичу Алексие/ Божиим же промышлением/ многия скорби и недуги/ измлада безропотно терпел еси/ и, яко агнец непорочный/ убиение от злочестивых приял еси/ ныне же ликуеши, яко наследник Царствия Небеснаго/ сего ради тя присно ублажаем.

 

   Д аровал еси Судия праведный/ супругом царственным/ яко адамант диадимы Христовой/ и чистоты источниче/ непорочен путь твой/ Алексие царевиче святый/ и на высоких поставляет тя Бог.

 

К вышним душею детскою/ яко Ангел устремился/ Алексие, наследниче благоверный/ кротость и милосердие в сердце стяжавый/ вмале наказан быв/ великими облагодетельствован был еси/ яко Бог искуси тя/ и обрете достойна Себе.

     

  Е гда болезнию лютою уязвлен быв/ надежда царства Православнаго и наследниче Престола Российскаго/ и отступиша от тебе врачеватели/ тогда молитвами ангела- хранителя рода царскаго/ старца мученика Григория/ прилоги змия древняго/ род царей Православных низложити хотящаго/ отражены бысть.

 

    Е гда на Святей Руси/ тяжкаго испытания время наста/ ты наследниче царский/ яко отрок Авраамль - Исаак/ на руку отца несенный на заколение/ яко агнец пред стригущим его безгласен/ кровь твою, яко алавастр мира Христу приносяй. 

 

Х отя спасти державу Православную от разорения/ многажды отец святый твой/ к народу блудному снисходил еси/ последи же, отрекаясь, тя в свое место предложил есть/ да сына устыдятся/ о, велие смирение твое/ не о правах твоих вопрошал тогда/ а о судьбе России/ темже ныне умоли Вседержителя о ней/ ему же ныне предстоиши.

 

  О, святый наследниче престола Русскаго/ купно со царственными родителями твоими и сестрами/ во узах заточения все упование на Бога возложиша/ образ терпения всей земли Российстей явистеся/ вы бо молящееся о мучителех/ клевету, глумление, оболгание/ убиение и телес всесожжение/ мужественне претерпели есте/ сего ради вас присно прославляем.

                      

Слава, глас 2-й:

Совершающе память твою/ царевиче славне/ хвалим тя вси/ нам бо показал еси/ яко в страданиях лютых ничесоже боятися/ кроме утраты любве Христовой/ долгоумиранием твоим злобу жидовскую истощивый/ потоками крови твоея доныне заграждаеши потоки беззакония.

 

И ныне, глас тойже:

Прейде сень законная,/ благодати пришедше:/ якоже бо купина не сгораше опаляема,/ тако Дева родила еси/ и Дева пребыла еси./ Вместо столпа огненнаго/ праведное возсия Солнце,/ вместо Моисея – Христос,/ спасение душ наших.

 

                         Вход.

  Прокимен дне.

И чтения.

Премудрости соломоновы чтение [глава 3]:

            Праведных души в руце Божией, и не прикоснется их мука. Непщевани быша во очию безумных умрети, и вменися озлобление исход их, и еже от нас шествие сокрушение: они же суть в мире. Ибо перед лицем человеческим аще и муку приимут, упование их безсмертия исполнено: и вмале наказани бывше, великими благодетельствовани будут, яко Бог искуси их и обрете их достойны себе: яко злато в горниле искуси их, и яко всеплодие жертвенное прият я. И во время посещения их возсияют, и яко искры по стеблию потекут: судят языком и обладают людьми, и воцарится в них Господь во веки. Надеющиися Нань уразумеют истину, и вернии в любви пребудут Ему, яко благодать и милость в преподобных Его и посещение во избранных Его.

Царств третиих чтение [главы 8 и 9]:

 

Ста Соломон пред лицем олтаря Господня пред всем собором Израилевым и воздвиже руце свои на небо, и рече: Господи Боже Израилев, несть якоже Ты Бог на небеси горе и на земли низу, храняй завет и милость рабу Твоему ходящему пред Тобою всем сердцем своим, яже сохранил еси рабу Твоему Давиду, отцу моему: ибо глаголал еси усты Твоими и рукама Твоима совершил еси, якоже день сей: и ныне, Господи Боже Израилев, сохрани рабу Твоему Давиду, отцу моему, яже рекл еси Ему, глаголя: не оскудеет муж от лица моего седяй на престоле Израилеве, токмо аще сохранят чада Твоя пути своя, еже ходити предо мною, якоже ходил еси предо мною: и услышиши молитву раба Твоего и людий Твоих Израиля, о нихже помолятся на месте сем: и Ты услышиши на месте обиталища твоего на небеси, и сотвориши и помилуеши: елика, аще согрешит кийждо ко искреннему своему, и аще приимет на него клятву еже кляти его, и приидет, и исповесть пред лицем олтаря твоего в храме сем: и ты услышиши от небесе, и сотвориши суд людем Твоим Израилю: осудити беззаконнаго, дати путь его на главу его, и оправдити праведнаго, дати ему по правде его: егда падут людие твои Израиль пред враги, яко согрешат Ти, и обратятся к Тебе, и исповедятся имени Твоему, и помолятся и возглаголют молитву к Тебе в храме сем: и ты услышиши с небесе, и милостив будеши о согрешениих людий своих Израиля, и возвратиши я в землю, юже дал еси отцем их: яко согрешат Ти, яко несть человек, иже не согрешит, и разгневаешися на ня, и предаси я пред враги, и попленят их пленящии в землю далече, или близ, и обратят сердца своя в земли, аможе преселишася, и обратятся, и помолятся Тебе в земли преселения своего, глаголюще: согрешихом, беззаконновахом, неправдовахом: и обратятся ко Тебе всем сердцем своим и всею душею своею в земли враг своих, аможе превел еси их, и помолятся к Тебе по пути земли своея, юже дал еси отцем их, и ко граду,егоже избрал еси, и ко храму, егоже создах имени Твоему: и услышиши от небесе, от готоваго жилища Твоего молитву их и моление их, и сотвориши оправдание им: да будет Господь Бог наш с нами, якоже бе со отцы нашими: да не оставит нас, ниже да отвратит нас, преклонити сердца наша к нему, еже ходити во всех путех Его и хранити вся заповеди Его и повеления Его и оправдания Его, яже заповеда отцем нашим: и рече к Соломону Господь: услышах глас молитвы твоея и моления твоего, имже молился еси предо Мною: сотворих ти по всей молитве твоей, и освятих храм сей, егоже создал еси, еже положити имя Мое тамо во веки, и будут очи мои ту и сердце мое во вся дни: и ты аще пойдеши предо мною, якоже ходи Давид, отец твой в преподобии сердца и в правоте, и еже творити по всем, яже заповедах ему, и повеления моя и заповеди моя сохраниши: и возставлю престол царствия твоего во Израили во веки, якоже глаголах к Давиду, отцу твоему, глаголя: не оскудеет ти муж властелин во Израили.

    Пророчества Исаиина чтение [главы 61 и 62]:

 

Дух Господень на мне, егоже ради помаза мя, благовестити нищым посла мя, исцелити сокрушенныя сердцем, проповедати пленником отпущение и слепым прозрение, нарещи лето Господне приятно и день воздаяния; утешити вся плачущыя, дати плачущым Сиона славу вместо пепела, помазание веселия плачущым, украшения славы вместо духа уныния, и нарекутся родове правды, насаждение Господне во славу. Да возрадуется душа моя о Господе: облече бо мя в ризу спасения и одеждею веселия одея мя: яко на жениха, возложи на мя венец, и, яко невесту, украси мя красотою. И яко земля, растящая цвет свой, и яко вертоград семена своя прозябает, тако возрастит Господь, Господь правду и веселие пред всеми языки. Сиона ради не умолчу и Иерусалима ради не попущу, дондеже изыдет, яко свет, правда моя и спасение мое, яко светило, разжжется. И узрят языцы правду Твою, и царие славу Твою, и прозовут Тя именем новым, имже Господь наименует е. И будеши венец доброты в руце Господни и диадима царствия в руце Бога твоего. И не прозовешися ктому оставлен, и земля твоя ктому не наречется пуста: тебе бо прозовется воля моя, и земля твоя вселенная: яко благоволи Господь в тебе, и земля твоя вкупе населится. И якоже живяй юноша с девою, тако поживут сынове твои с тобою: и будет якоже радуется жених о невесте, тако возрадуется Господь о тебе.

 

На литии стихиры, глас 5-й:

 Приидите, Небеснии предстателие царственнии наши/ вашего чающим милостивнаго посещения/ и избавите лютаго неистовства богопротивных/ от нихже яко пленницы и нази гоними есмы/ ущедрите убо прехвальнии/ и даруйте нам ослабу/ утолите бурю и угасите на ны гонения/ Бога моляще/ подающаго вами земли нашей велию милость.

 

Слава, глас 6-й:

   Не имамы мы ныне нрава добродетельна/ яко миро приносим Ти, Господи/ святых царственных мучениц/ Не отвержи Русь издревле Святую/ ныне же грехов наших ради люте страждущую/ Приими нас кающихся Боже,/ святых Твоих молитвами.

И ныне, глас тойже.

  Богородице Ты еси лоза истинная/ возрастившая нам Плод Живота/ Тебе молимся, молися Владычице /с царственными великомученики/ помиловати души наша.

 

 

                На стиховне стихиры, глас 2-й.

  Отроче от утробы матери Богом предизбранный/ к вышним душею детскою/ яко Ангел устремился святый царевиче Алексие/ родители, сродники и ближняя возлюбил еси/ и яко агнец незлобивый,/ руками злочестивых убиен,/ новый отрок великомученик явился еси.

 

Стих: Вознесох избраннаго/ от людей Моих.

Радуйся святый царевиче Алексие/ ты еси всесожжение за грехи народа твоего/ аще и муки велия приял еси/ упование твое безсмертия исполнено есть/ Темже ныне в Горнем Алтаре предстоя/ молися о спасении людей Твоих.

 

Стих: Елеем святым Моим/ помазах его.

Странное чудо о тебе видевши/ мира устранимся, ум на Небеса вознесем/ яко высото девства и кротости на земли/ на Небе – архистратиже всех чад убиенных/ услыши нас/ яко десница Божия по молитве к тебе сокрушает враги.

 

Слава, глас 8-й.

Наследниче престола Русскаго/ от юности Царя славы возлюбил еси,/ да Ему до смерти последуеши/ якоже Церковь проповедует:/ Слава Христа Бога - / Крест и Воскресение./ Ныне же славу Небесную от Христа приемый,/ прими и земное прославление/ и моли спастися душам нашим.

И ныне, глас тойже:

О, преславнаго чудесе! Небесе и земли Царица,/ от святых царственных мученик умоляемая,/ до ныне землю Русскую покрывает/ О Владычице Державная!/ Не престани и на время грядущее/ во утверждение на Руси православия/ милости и чудеса изливати до века. Аминь.

                                         

Тропарь, глас 3-й.

С вятая отрасль Романова корене,/ мучениче цесаревичу Алексие,/ на земли болезними слезами,/ последи же кровьми своими увенчался еси,/ ныне предстоя на Небеси Царю Христу,/ моли Его да поставит законоположителя в стране Российстей/ и уразумеем, яко человецы есмы.

                                           

 

 

                            НА УТРЕНИ

  

 

На Бог Господь: <