Канона два: до шестой песни – творение преподобного Феофана, а затем начинаем четверопеснец. Глас 8.

Канона два: до шестой песни – творение преподобного Феофана, а затем начинаем четверопеснец. Глас 8.

Песнь 1.

Ирмос: Поим Господеви, / проведшему люди Своя сквозе Чермное море, / яко един славно прославися.

Припев: Слава Тебе Боже наш, слава Тебе.

Лазаря умершаго, / манием Божественным воскресил еси, / яко Создатель сый, / и живота сокровище Человеколюбче.

Припев: Слава Тебе Боже наш, слава Тебе.

Словом четверодневнаго Лазаря / возгласил еси безсмертне, / темнообразное адово разрушив крепостию царство.

Припев: Слава Тебе Боже наш, слава Тебе.

Всем Пребожественнаго познание Божества показал еси, / из мертвых возставив / четверодневнаго Лазаря Владыко.

Припев: Слава Тебе Боже наш, слава Тебе.

Днесь Вифания предвозвещает / Воскресение Христа Жизнодавца, / востанием Лазаревым ликовствующи.

Другий канон, творение Иоанна монаха. Глас 8:

Припев: Слава Тебе Боже наш, слава Тебе.

Прежде от не сущих привед всяческую тварь, / и ведый сердечная сокровища / предглаголеши яко Владыка учеником Лазарево успение.

Припев: Слава Тебе Боже наш, слава Тебе.

Человека естеством осуществовавыйся Христе от Девы, / Лазарево Ты погребение навыкнути вопрошал еси яко Человек, / не неведый яко Бог, идеже лежаше.

Слава: Уверяя Слове Твое Воскресение, / воистинну яко от сна, любимаго воскресил еси уже смердяща, / четверодневна мертвеца от гроба.

И ныне, Богородичен: Чини Тя ангел и человек, безневестная Мати, хвалят непрестанно, / Создателя бо сих якоже Младенца, / во объятиих Твоих носила еси.

 

Песнь 3.

Ирмос: Ты еси утверждение / притекающих к Тебе Господи, / Ты еси свет омраченных, / и поет Тя дух мой.

Припев: Слава Тебе Боже наш, слава Тебе.

Два предлагая действа Твоя, / показал еси существ Спасе сугубство: / Бог бо еси и Человек.

Припев: Слава Тебе Боже наш, слава Тебе.

Бездна сый разума, Ты вопрошаеши: / где положися мертвый; / хотя воскресити Животодавче лежащаго.

Припев: Слава Тебе Боже наш, слава Тебе.

Места преходяй яко быв Человек, / явился еси описан, / исполняя всяческая, яко Бог неописанный.

Припев: Слава Тебе Боже наш, слава Тебе.

Лазаря воздвигл еси / Божественным Христе глаголом, / и мене многими прегрешеньми умерша / возстави, молюся.

Иный.

Припев: Слава Тебе Боже наш, слава Тебе.

Представ Ты гробу чудотворче Господи, / в Вифании над Лазарем прослезился еси, законом естества, / плоть Твою уверяя, Иисусе Боже мой, / юже восприял еси.

Припев: Слава Тебе Боже наш, слава Тебе.

Мариин плач Ты абие утолил еси Спасе, / и Марфе показуя самовластное. / Ты бо воскресение, Ты и живот, якоже рекл еси: / истина бо еси, и всех Господь.

Слава: Обвитаго укройми любимаго Лазаря Господи, / от ада темнаго исхитил еси Ты, / словом Твоим всемощным / смерти разверг заклепы же и царствия.

И ныне: Вселился еси в Деву плотски Господи, / явился еси человеком, якоже леть бе видену Тебе быти, / Юже и показал еси яко истинную Богородицу, и верных помощницу, / едине Человеколюбче.

 

Го́споди, поми́луй. Трижды.

Седален, глас 4.

Вкупе предстасте Христу Лазареве сестре, / и слезяще горце, и плачуще его, реша Ему: / Господи, умре Лазарь. / Он же яко Бог не неведый погребания, / вопрошаше яко Человек: / где положисте его? / И приступив ко гробу, возглашаше четверодневнаго Лазаря. / Он же абие воста, / и покланяшеся Воскресившему.

Слава, и ныне, глас 8.

Проведый всяческая яко Творец / в Вифании прорекл еси учеником Твоим: друг наш Лазарь успе днесь. / И ведый вопросил еси, рекл: где положисте его? / И Отцу помолился еси, прослезився яко Человек: / темже и возгласив, егоже любил еси, / от ада возставил еси Господи четверодневнаго Лазаря. / Сего ради вопием Тебе: / приими Христе Боже, дерзающих приносити хваление Тебе, / и сподоби всех славы Твоея.

 

Песнь 4.

Ирмос: Услышах, Господи, / смотрения Твоего таинство, / разумех дела Твоя, / и прославих Твое Божество.

Припев: Слава Тебе Боже наш, слава Тебе.

Не пособника требуяй, / но смотрения совершаяй неизреченное, / моляся возставил еси мертва, / четверодневнаго Всесильне.

Припев: Слава Тебе Боже наш, слава Тебе.

Отцу соприсносущное Слово, / и Бог прежде зримый, / ныне яко Человек молится, / молитвы всех Приемляй.

Припев: Слава Тебе Боже наш, слава Тебе.

Глас Твой разруши Спасе смертную всю силу, / основания же адова / Божественною Твоею силою поколебашася.

Припев: Пресвятая Богородице, спаси нас.

Богородичен: Деву воспоим, яко по рождестве Деву пребывшую, / и рождшую Христа Бога, / от прелести мир избавльшаго.

Иный.

Песнь 5.

Ирмос: Вскую мя отринул еси / от лица Твоего, Свете Незаходимый, / и покрыла мя есть чуждая тьма, окаянного, / но обрати мя и к свету заповедей Твоих / пути моя направи, молюся.

Иный.

Песнь 6.

Ирмос: Иону в ките, Господи, / единаго вселил еси, / мене же, связаннаго мрежами вражиями, / яко от тли онаго, спаси.

Иный, Иоанна монаха.

Слава: Бог сый истинный, Лазарево ведал еси успение, / и сие учеником Твоим провозвестил еси, / уверяя Владыко Божества Своего неопредельное действо.

И ныне: Плотию описан сый Неописанный, в Вифанию пришед, / яко Человек Владыко слезиши над Лазарем, / яко Бог же хотя воскрешаеши четверодневнаго.

 

Го́споди, поми́луй. Трижды.

Сла́ва, и ны́не:

Кондак, глас 2.

Всех радость Христос, / Истина, Свет, Живот и мира Воскресение, / сущим на земли явися Своею благостию, / и бысть образ Воскресения, / всем подая Божественное оставление.

Икос: Учеником Создатель всех предвеща, глаголя: / братия и знаемии, наш друг успе, / сими предглаголя и уча, яко вся веси, яко Создатель всех. / Идем убо, и увидим странное погребение, / и рыдание Мариино, и Лазарев гроб узрим, / тамо бо хощу чудодействовати, / совершая Креста предначинание, / и всем подая Божественное оставление.

 

Песнь 7.

Ирмос: Отроцы еврейстии в пещи / попраша пламень дерзновенно, / и на росу огнь преложиша, вопиюще: / благословен еси Господи Боже во веки.

Иный.

Песнь 8.

Ирмос: Мусикийским органом согласующим, / и людем безчисленным, покланяющимся образу в Деире, / три отроцы не повинувшеся, / Господа воспеваху, / и славословляху во вся веки.

Иный.

Песнь 9.

Ирмос: Чистую славно почтим, людие, Богородицу, / огнь Божества приимшую во чреве неопально, / песньми величаем.

Иный.

Канона два: до шестой песни – творение преподобного Феофана, а затем начинаем четверопеснец. Глас 8.

Песнь 1.

Ирмос: Поим Господеви, / проведшему люди Своя сквозе Чермное море, / яко един славно прославися.