Стихира преподобномученицы, глас 7 .

Паримии преподобного.

Диа́кон: П ремудрость.

Чтец:  Притчей чте́ние.

Диа́кон: В онмем.   (главы́ 10 и 8)

Чтец: П а́мять пра́веднаго с похвала́ми, и благослове́ние Госпо́дне на главе́ его́./ Блаже́н челове́к, и́же обре́те прему́дрость,/ и сме́ртен, и́же уве́де ра́зум./ Лу́чше бо сию́ купова́ти, не́жели зла́та и сребра́ сокро́вища./ Честне́йшая же есть ка́мений многоце́нных,/ все же честно́е недосто́йно ея́ есть./ Долгота́ бо дней и ле́та живота́ в десни́це ея́,/ в шу́йце же ея́ бога́тство и сла́ва./ От уст ея́ исхо́дит пра́вда,/ зако́н же и ми́лость на язы́це но́сит./ Послу́шайте у́бо мене́, о ча́да, честна́я бо реку́,/ и блаже́н челове́к, и́же пути́ моя́ сохрани́т:/ исхо́ди бо мой, исхо́ди живота́,/ и уготовля́ется хоте́ние от Го́спода./ Сего́ ра́ди молю́ вас, и предлага́ю мой глас сыново́м челове́ческим,/ я́ко аз, прему́дрость, устро́их сове́т,/ и ра́зум, и смысл аз призва́х,/ мой сове́т и утвержде́ние,/ мой ра́зум, моя́ же кре́пость./ Аз мене́ лю́бящия люблю́,/ и́щущии же мене́ обря́щут благода́ть./ Разуме́йте у́бо, незло́бивии, кова́рство,/ ненака́заннии же, прилага́йте сердца́./ Послу́шайте мене́ и па́ки:/ честна́я бо реку́/ и отве́рзу от усте́н пра́вая,/ я́ко и́стине поучи́тся горта́нь мой,/ ме́рзки же предо мно́ю устны́ лжи́выя./ С пра́вдою вси глаго́лы уст мои́х,/ ничто́же в них стро́потно, ниже́ развраще́нно./ Вся пра́ва суть разумева́ющим/ и про́ста обрета́ющим ра́зум./ Науча́ю бо вас и́стине,/ да бу́дет о Го́споде наде́жда ва́ша,/ и испо́лнитеся Ду́ха.

 

Диа́кон: П ремудрость.

Чтец:  Притчей чте́ние.

Диа́кон: В онмем. (Из главы 10,11)

Чтец: У ста́ пра́веднаго ка́плют прему́дрость,/ язы́к же непра́веднаго поги́бнет./ Устне́ муже́й пра́ведных ка́плют благода́ти,/ уста́ же нечести́вых развраща́ются./ Ме́рила льсти́вая ме́рзость пред Го́сподем,/ вес же пра́ведный прия́тен Ему́./ Иде́же а́ще вни́дет досажде́ние, та́мо и безче́стие,/ уста́ же смире́нных поуча́ются прему́дрости./ Соверше́ние пра́вых наста́вит их/ и поползнове́ние отрица́ющихся упасе́т их./ Не по́льзуют име́ния в день я́рости, пра́вда же изба́вит от сме́рти./ Умер пра́ведный, оста́ви раска́яние,/ нару́чна же быва́ет и посмея́тельна нечести́вых па́губа./ Пра́вда непоро́чнаго исправля́ет пути́,/ в нече́стие же па́дает непра́вда./ Пра́вда муже́й пра́вых изба́вит их,/ безсове́тием же пленя́ются беззако́ннии./ Сконча́вшуся му́жу пра́ведну, не поги́бнет наде́жда,/ похвала́ же нечести́вых поги́бнет./ Пра́ведник от ло́ва убе́гнет,/ в него́же ме́сто предае́тся нечести́вый./ Во усте́х нечести́вых сеть гра́жданом,/ чу́вство же пра́ведных благоспе́шное./ Во благи́х пра́ведных испра́вится град,/ и в поги́бели нечести́вых ра́дование./ Во благослове́нии пра́вых возвы́сится град,/ усты́ же нечести́вых раскопа́ется./ Руга́ется гра́жданом лише́нный ра́зума,/ муж же му́дрый безмо́лвие во́дит.

Диа́кон: П ремудрость.

Чтец:   П рему́дрости Соломо́новы чте́ние.

Диа́кон: В онмем. (Из главы 3)

Чтец: П ра́ведных ду́ши в руце́ Бо́жией,/ и не прико́снется их му́ка./ Непщева́ни бы́ша во очесе́х безу́мных умре́ти,/ и вмени́ся озлобле́ние исхо́д их,/ и е́же от нас ше́ствие – сокруше́ние,/ они́ же суть в ми́ре./ И́бо пред лице́м челове́ческим а́ще и му́ку прии́мут,/ упова́ние их безсме́ртия испо́лнено./ И вма́ле нака́зани бы́вше, вели́кими благоде́тельствовани бу́дут,/ я́ко Бог искуси́ я и обре́те их досто́йны Себе́./ Я́ко зла́то в горни́ле, искуси́ их/ и, я́ко всепло́дие же́ртвенное, прия́т я./ И во вре́мя посеще́ния их возсия́ют/ и, я́ко и́скры по сте́блию, потеку́т./ Су́дят язы́ком и облада́ют людьми́,/ и воцари́тся Госпо́дь в них во ве́ки./ Наде́ющиися Нань разуме́ют и́стину/ и ве́рнии в любви́ пребу́дут Ему́,/ я́ко благода́ть и ми́лость в преподо́бных Его́/ и посеще́ние во избра́нных Его́.

 

Ектения́ сугу́бая:

Диа́кон: Р це́м вси от всея́ души́, и от всего́ помышле́ния на́шего рцем.

Хор:  Г о́споди, поми́луй.

Диа́кон: Г о́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Хор:  Г о́споди, поми́луй.

Диа́кон: П оми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Хор: Г о́споди, поми́луй. (Трижды, на каждое прошение)

Диа́кон:Е ще́ мо́лимся о Вели́ком Господи́не и Отце́ на́шем Святе́йшем Патриа́рхе Кири́лле, и о Господи́не на́шем Высокопреосвяще́ннейшем митрополи́те (или: архиепи́скопе, или: преосвяще́ннейшем епи́скопе имяре́к), и всей во Христе́ бра́тии на́шей.

Е ще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Е ще́ мо́лимся о блаже́нных и приснопа́мятных созда́телех свята́го хра́ма сего́, и о всех преждепочи́вших отце́х и бра́тиях, зде лежа́щих и повсю́ду, правосла́вных.

Е ще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих настоя́теля, бра́тии и прихо́жан свята́го хра́ма сего́.

Е ще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Иере́й: Я́ко Ми́лостив и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор:  А ми́нь.

Сподо́би, Го́споди:

Хор: С подо́би, Го́споди, в ве́чер сей без греха́ сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. А ми́нь.

Б у́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми.

Г о́споди, ми́лость Твоя́ во век, дел руку́ Твое́ю не пре́зри. Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет. Отцу́ и Сы́ну и Свято́му Ду́ху, ны́не и при́сно и во ве́ки веко́в. А ми́нь.

Ектения́ проси́тельная:

Диа́кон: И спо́лним вече́рнюю моли́тву на́шу Го́сподеви.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: В е́чера всего́ соверше́нна, свя́та, ми́рна и безгре́шна у Го́спода про́сим.

Хор: П ода́й, Го́споди. (На каждое прошение)

Диа́кон: А́ нгела ми́рна, ве́рна наста́вника, храни́теля душ и теле́с на́ших, у Го́спода про́сим.

                 П роще́ния и оставле́ния грехо́в и прегреше́ний на́ших у Го́спода про́сим.

                 Д о́брых и поле́зных душа́м на́шим и ми́ра ми́рови у Го́спода про́сим.

                 П ро́чее вре́мя живота́ на́шего в ми́ре и покая́нии сконча́ти у Го́спода про́сим.

                 Х ристиа́нския кончи́ны живота́ на́шего, безболе́знены, непосты́дны, ми́рны и до́браго отве́та на Стра́шнем Суди́щи Христо́ве про́сим.

                 П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́, и дру́г дру́га, и весь живо́т наш Христу́ Бо́гу предади́м.

Хор:Т ебе́, Го́споди.

Иере́й: Я́ко Бла́г и Человеколю́бец Бог еси́, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Иере́й:     Мир всем.

Хор: И ду́хови твоему́.

Диа́кон: Г лавы́ на́ша Го́сподеви прикло́ним.

Хор:    Т ебе́, Го́споди.

Иере́й: Бу́ди держа́ва Ца́рствия Твоего́ благослове́на и препросла́влена. Отца́ и Сы́на и Свята́го Ду́ха, ны́не и при́сно и во ве́ки веко́в.

Хор: А ми́нь.

На стихо́вне стихи́ры преподобного, гла́с 4, подобен «Дал еси знамение»:

Д ал еси́ украше́ние Це́ркви Твое́й, Го́споди,/ честны́я и многоцеле́бныя мо́щи/ преподо́бнаго Се́ргия, Твоего́ уго́дника,/ и, я́ко у́тварь ца́рскую иму́щи, красу́ется,/ и, я́ко вене́ц пресве́тлый нося́щи, весели́тся,/ созыва́ющи своя́ ча́да,/ и́хже водо́ю и ду́хом ева́нгельски породи́./ Те́мже Твое́ человеколю́бное смотре́ние сла́вим,/ Иису́се Человеколю́бче/ и Спа́се душ на́ших.

Сти́х: Ч естна́ пред Го́сподем/ смерть преподо́бных Его́.

Д ал еси́ держа́ву необори́му/ ца́рствующему гра́ду Москве́, Го́споди,/ и всем Росси́йским страна́м утвержде́ние,/ честне́й же оби́тели Твое́й тве́рдое укрепле́ние/ и сте́ну непоколеби́му –/ цельбоно́сныя и святы́я мо́щи/ преблаже́ннаго Се́ргия, Твоего́ рачи́теля./ Тем Твоя́ человеколю́бныя щедро́ты сла́вим,/ Иису́се Всеси́льне/ и Спа́се душ на́ших.

Сти́х: Б лаже́н муж, боя́йся Го́спода,/ в за́поведех Его́ восхо́щет зело́.

Д ал еси Росси́йскому оте́честву, Го́споди,/ тве́рдое защище́ние, и ору́жие спасе́ния,/ и во́ем его́ вели́кое на сопроти́вныя одоле́ние,/ святи́телем же честно́е украше́ние/ и всем боля́щим врачевство́ безме́здно –/ святы́я мо́щи преподо́бнаго и треблаже́ннаго Се́ргия,/ и́хже ны́не ра́достно облобыза́ем,/ исцеле́ния разли́чная прие́млюще./ Твое́ неизрече́нное милосе́рдие сла́вим,/ Иису́се Благосе́рде/ и Спа́се душ на́ших.

Канон.

Песнь 1:

Канон храма со ирмосом на 4 (ирмосы по дважды):

Ирмос:.   (Дважды)

Припев: Пое́м Го́сподеви, сла́вно бо просла́вися. Коня́ и вса́дника вве́рже в мо́ре.

Тропарь:.

Припев: Помо́щник и Покрови́тель бы́сть мне во спасе́ние, Сей мой Бог и просла́влю Его, Бог отца моего, и вознесу Его.

Тропарь:.

Канон преподобного на 6, глас 4:

Припев: Г оспо́дь сокруша́яяй бра́ни, Госпо́дь и́мя Ему́: колесни́цы фарао́новы и си́лу его ве́рже в мо́ре.

Тропарь: Све́том Твоего́ трисо́лнечнаго Божества́, Соде́телю мой,/ просвети́ помраче́нныя о́чи души́ моея́, молю́ Ти ся,/ и очи́сти се́рдце мое́, да возмогу́ пе́ти обре́тение/ честны́х моще́й преподо́бнаго Се́ргия, Твоего́ рачи́теля.

Припев: Пучи́ною покры я, погрязо́ша во глубине, яко камень.

Тропарь: Све́том Твоего́ трисо́лнечнаго Божества́, Соде́телю мой,/ просвети́ помраче́нныя о́чи души́ моея́, молю́ Ти ся,/ и очи́сти се́рдце мое́, да возмогу́ пе́ти обре́тение/ честны́х моще́й преподо́бнаго Се́ргия, Твоего́ рачи́теля.

Припев: Тогда потща́шася влады́ки Едо́мстии и князе́й Моави́тских, прия́т я трепет, раста́яща вси живу́щии в Ханаа́не.

Тропарь: Даждь ми сло́во, Сло́ве Бо́жий, во отверзе́ние уст мои́х,/ и уясни́ ми язы́к, Ми́лостиве, и не помина́й грехо́в мои́х мно́жества,/ да, Твое́ю благода́тию наставля́емь,/ возмогу́ пе́ти преподо́бнаго Твоего́ Се́ргия.

Припев: Нападе́т на ня стра́х и тре́пет, вели́чием мышцы Твоея да окаменя́тся.

Тропарь: Даждь ми сло́во, Сло́ве Бо́жий, во отверзе́ние уст мои́х,/ и уясни́ ми язы́к, Ми́лостиве, и не помина́й грехо́в мои́х мно́жества,/ да, Твое́ю благода́тию наставля́емь,/ возмогу́ пе́ти преподо́бнаго Твоего́ Се́ргия.

Припев: Д о́ндеже про́йдут лю́дие Твои́, Го́споди, до́ндеже про́йдут лю́дие Твои́ сии́, я́же стяжа́л еси́.

Тропарь: Я́коже во чре́ве ма́терни проглаше́нием Тро́ицу пропове́дал еси́,/ та́ко и Та просла́ви тя:/ ка́ко на мно́га ле́та сокрове́ны земле́ю честны́я мо́щи твоя́ нетле́нны обрето́шася,/ благоуха́ния вку́пе же и чуде́с ве́рных исполня́юще.

Припев: С оде́лал еси́, Го́споди, святы́ню, ю́же угото́васте ру́це Твои́.

Богородичен: Пречи́стая Влады́чице, Небе́сных сил превы́шшая,/ поро́ждшая Спа́са, всех Соде́теля, единосу́щна Отцу́ и Ду́ху,/ даждь нам сло́во, Препе́тая, я́ко да возмо́жем пе́ти Тя,/ су́щую Засту́пницу ро́да на́шего.

Канон преподобномученицы на 4, глас 8:

Припев: Г оспо́дь ца́рстуяй ве́ки, и на век и еще́: егда́ вни́дет ко́нь фарао́нов с колесни́цами и вса́дники в мо́ре.

Тропарь: П одаждь, Господи, души моей просвещение / и уста моя недостойная отверзи, / да воспою угодницу Твою, преподобномученицу Елисавету, / в нейже имя Твое святое славно прославися.

Припев: С ы́нове же Изра́ильстии проидо́ша су́шею посреде́ мо́ря.

Тропарь: Ч адо Господне возлюбленное, чудная Елисавето, / вкупе с телесною красотою и величием княжеским / духовною добротою украсилася еси приумноживши данный тебе от Бога талант / и себе яко дар Тому принесши.

Сла́ва Отцу́ и Сы́ну и Свято́му Ду́ху.

Тропарь: О течество и сродников оставила еси / и в новом отечестве, светом православныя веры просветившися, / Богу и людем любовию и милосердием послужила еси / и мучение от безбожных претерпела еси. / Сего ради прослави тя Господь и Небеснаго Отечества наследницу показа.

И ны́не и при́сно и во ве́ки веко́в, ами́нь.

Богородичен: Воспоим славу Пресвятей Деве Богородице, / приведошася бо Царю Христу вслед Ея девы и жены, / с ними же и святая преподобномученица Елисавета,/ небеснаго чертога жительница / и Господни трапезы брачныя причастница.

Катава́сия, глас 4:

Хор: Отве́рзу уста́ моя́, / и напо́лнятся Ду́ха, / и сло́во отры́гну Цари́це Ма́тери, / и явлю́ся, све́тло торжеству́я, // и воспою́, ра́дуяся, Тоя́ чудеса́.

 

Песнь 3:

Канон храма со ирмосом на 4 (ирмосы по дважды):

Ирмос:. (Дважды)

Припев: У тверди́ся се́рдце мое́ в Го́споде, вознесе́ся ро́г мо́й о Бо́зе мое́м, расшири́шася уста́м моя́ на враги́ моя́, возвесели́хся о спасе́нии Твое́м.

Тропарь:.

 Припев: Я́ ко не́сть свя́т, я́ко Госпо́дь, и не́сть пра́веден, я́ко Бо́г на́ш, и не́сть свя́т, па́че Тебе́.

Тропарь:.

Канон преподобного на 6, глас 4:

Припев: Н е хвали́теся и не глаго́лите высо́кая в горды́ни, ниже́ да изы́дет велере́чие изъ у́ст ва́ших.

Тропарь: К реста́ Госпо́дня си́лою укрепля́яся,/ стра́сти душе́вныя и плотско́е мудрова́ние ду́ху покори́л еси́,/ и сего́ ра́ди Ду́ху Пресвято́му прекра́сная оби́тель быв/ и неразде́льныя Тро́ицы избра́нно поко́ище.

Припев: Я́ ко Бо́г ра́зумов Госпо́дь, и Бо́г уготовля́яй начина́ния Своя́.

Тропарь: К реста́ Госпо́дня си́лою укрепля́яся,/ стра́сти душе́вныя и плотско́е мудрова́ние ду́ху покори́л еси́,/ и сего́ ра́ди Ду́ху Пресвято́му прекра́сная оби́тель быв/ и неразде́льныя Тро́ицы избра́нно поко́ище.

Припев: Д ая́й моли́тву моля́щемуся и благослови́ ле́та пра́веднаго.

Тропарь: Ж итие́м твои́м, е́же в ми́ре сем, о́браз быв всем,/ от души́ Христу́ порабо́тившимся,/ чистото́ю же, я́ко со́лнце, просия́л еси́/ и сего́ ра́ди стокра́тное возда́ние от руку́ Вседержи́теля прия́л еси́, Богому́дре Се́ргие./ Те́мже тя ра́достно ублажа́ем.

Припев: Г оспо́дь не́мощна сотвори́ супоста́та его́, Госпо́дь Свя́т.

Тропарь:   Ж итие́м твои́м, е́же в ми́ре сем, о́браз быв всем,/ от души́ Христу́ порабо́тившимся,/ чистото́ю же, я́ко со́лнце, просия́л еси́/ и сего́ ра́ди стокра́тное возда́ние от руку́ Вседержи́теля прия́л еси́, Богому́дре Се́ргие./ Те́мже тя ра́достно ублажа́ем.

Припев: Д а не хва́лится прему́дрый прему́дростию свое́ю, и да не хва́лится си́льный си́лою свое́ю, и да не хва́лится бога́тый бога́тством свои́м.

Тропарь: П рииди́те, сни́демся в настоя́щее ны́не торжество́,/ у́зрим, и ра́дости испо́лнимся, и Христа́ да просла́вим,/ та́ко прославля́юща Его́ прославля́ющих,/ и нам сте́ну необори́му и чуде́с пода́теля дарова́вшаго,/ Богоблаже́ннаго Се́ргия.

Припев: Н о о се́м да хва́лится хваля́йся, е́же разуме́ти и зна́ти Го́спода, и твори́ти су́д и пра́вду посреде́ земли́.

Богородичен: Б лагодаре́ние, вку́пе же и пе́ние, Богома́ти, ра́дуйся, прино́сим Ти,/ я́ко родила́ еси́ пло́тию Бо́га Вседержи́теля,/ тве́рдую Предста́тельницу Тебе́ христиа́ном дарова́вшаго.

Канон преподобномученицы на 4, глас 8:

Припев: Г оспо́дь взы́де на Небеса́ и возгреме́, то́й су́дит конце́м земли́, Пра́веден Сы́й.

Тропарь: В се упование твое на Господа возложила еси, / и Той утверждение тебе бысть, / Елисавето многострадальная, / егда честныя останки мужа твоего своима рукама собираше, / не ожесточила еси сердца твоего, / ниже отчаянию предалася еси, / но милостивно безбожнаго убийцу простила еси, / теплую молитву Господеви возносящи.

Припев: И да́ст кре́пость царю́ на́шему, и вознесе́т ро́г христа́ Своего́.

Тропарь: К расоту мира сего и сладость презревши, Богомудрая, / постническаго жития восхотела еси, / и обитель основала еси, / в нейже себе от утех мира сокрывши, / милосердием твоим мира не оставила еси / и страждущим добре послужила еси.

От юности Господа возлюбивши, / Тому поработала еси, блаженная Елисавето, / и явилася еси яко почва плодородная, / на нюже доброе семя Православия всеяно бывше, сторичный плод принесе. / Сего ради буди нам ходатаица / и умоли Создателя безплодие сердец наших разрешити, / да принесем и мы Ему службу трудом и молитвою, / наипаче же любовию и смирением. / Аще же призовет нас Господь на подвиг исповедничества / и страданий за веру, / помолися за нас, во еже не отринути нам чашу сию, / но все до конца претерпети, / и тако краткою стезею Царства Небеснаго достигнути.

И ны́не и при́сно и во ве́ки веко́в, ами́нь.

Богородичен Минеи, глас тот же:

Н е замедли, Пресвятая Богородице, / молитву Твою Богу принести о Российстей земли и о людех ея. / Погибаем бо от множества прегрешений и вопием Ти: / Ты еси управительница и Споручница / всех, упование на Тя возложивших.

Песнь 4:

Канон храма со ирмосом на 4 (ирмосы по дважды):

Ирмос:. (Дважды)

Припев: Г о́споди, услы́шах слу́х Тво́й и убоя́хся, Го́споди, pазуме́х дела́ Твоя́, и ужасо́хся.

Тропарь:.

Припев: В негда́ смути́тися души́ мое́й во гне́ве, ми́лость Твою́ помяне́ши.

Тропарь:.

Канон преподобного на 6, глас 4:

Припев: Б о́г от ю́га пpии́дет, и Святы́й из гоpы́ пpиосене́нныя ча́щи.

Тропарь: О т утро́бы ма́терни Бо́гу прилепи́лся еси́, блаже́нне о́тче Се́ргие,/ и зача́ло му́дрости – страх Бо́жий в се́рдцы твое́м име́л еси́,/ ко́рень и основа́ние всех благи́х, нищету́ духо́вную возлюби́в./ Сего́ ра́ди Влады́ка Христо́с чудесы́ обогати́л тя есть.

Припев: П окpы́ небеса́ добpоде́тель Его́, и хвалы́ Его́ испо́лнь земля́.

Тропарь: О т утро́бы ма́терни Бо́гу прилепи́лся еси́, блаже́нне о́тче Се́ргие,/ и зача́ло му́дрости – страх Бо́жий в се́рдцы твое́м име́л еси́,/ ко́рень и основа́ние всех благи́х, нищету́ духо́вную возлюби́в./ Сего́ ра́ди Влады́ка Христо́с чудесы́ обогати́л тя есть.

Припев: З ане́ смо́ковь не плодопpинесе́т, и не бу́дет pо́да в лоза́х.

Тропарь: Я́ ко крин благово́нный, от земны́х недр изда́шася честны́я мо́щи твоя́, преблаже́нне Се́ргие,/ и, я́ко сокро́вище, чуде́с зарю́ испуща́ют,/ веселя́ще духо́вная ча́да твоя́.

Припев С олже́т де́ло ма́слинное, и поля́ не сотвоpя́т я́ди.

Тропарь: Я́ ко крин благово́нный, от земны́х недр изда́шася честны́я мо́щи твоя́, преблаже́нне Се́ргие,/ и, я́ко сокро́вище, чуде́с зарю́ испуща́ют,/ веселя́ще духо́вная ча́да твоя́.

Припев: О скуде́ша о́вцы от пи́щы, и не бу́дет воло́в пpи я́слех.

Тропарь: Д несь ра́дуется ца́рствующий град Москва́, и весе́лия исполня́ется вся вселе́нная,/ честна́я же оби́тель твоя́, Богоблаже́нне Се́ргие, хва́лящися, украша́ется,/ име́ющи в себе́ честны́я мо́щи твоя́, я́ко сокро́вище неоску́дное и пречу́дное.

Припев: А з же о Го́споде возpа́дуюся, возвеселю́ся о Бо́зе Спа́се мое́м.

Тропарь: Д е́во Господоимени́тая и Цари́це всея́ тва́ри,/ мно́гими проро́ки пронарече́нная,/ ро́ждшая Царя́ Небе́сных сил,/ даждь, Госпоже́, побе́ду на враги́ во́инству на́шему/ и Ца́рствия Небе́снаго всех нас сподо́би моли́твами Твои́ми.

Канон преподобномученицы на 4, глас 8:

Припев: Г оспо́дь Бо́г мо́й Си́ла моя́, и учини́т но́зе мои́ на совеpше́ние.

Тропарь: Я коже Марфа, послужила еси Господеви, / преподобномученице Елисавето, / в малых сих и убогих, и недужных, и падших образ Его прозревши. / Научи и мене в ближнем моем Владыку Христа почитати / и Ему послужити.

Припев: И на высо́кая возво́дит мя́, победи́ти ми в пе́сни Его́.

Тропарь: Б лагую часть, о Елисавето, избрала еси, / уподобившися Марии, / и все помышление твое ко Господу простерла еси, / непрестанно молящися и во словесех Его поучающися, / и воле Его, сиречь промышлению благому, себе предала еси.

С ла́ва Отцу́, и Сы́ну, и Свято́му Ду́ху.

Тропарь: П омолитеся Господеви о нас, / святыя жены Марфо и Марие / с преподобномученицею Елисаветою, / яже, яко добрая наставница, / не токмо сама стезею подвига сугубаго пройде / и земли кротких достиже, / но и иных на оный спасительный путь привлече. / О святая Елисавето, / приими и нас яко учеников твоих / и на стезю спасения настави.

И ны́не и при́сно, и во ве́ки веко́в. Ами́нь.

Богородичен: Б лажено чрево Твое, Пренепорочная, / носившее Зиждителя всех, / Тобою к нам снизшедшаго, / и блажени людие, Тобою к Нему притекшия. / Сего блаженства причастники и нас сотвори, / Тебе присно прославляющих.

Катава́сия, глас 4:

Хор: Седя́й в сла́ве на Престо́ле Божества́, / во о́блаце ле́гце, / прии́де Иису́с Пребоже́ственный, / нетле́нною дла́нию, и спасе́ зову́щия: // сла́ва, Христе́, си́ле Твое́й.

Песнь 5:

Канон храма со ирмосом на 4 (ирмосы по дважды):

Ирмос:. (Дважды)

Припев: От но́щи у́тpенюет ду́х мо́й к Тебе́, Бо́же, зане́ све́т повеле́ния Твоя́ на земли́.

Тропарь:.

Припев: П pа́вде научи́теся живу́щии на земли́.

Тропарь:.

Канон преподобного на 6, глас 4:

Припев: Д а во́зьмется нечести́вый, да не ви́дит сла́вы Госпо́дни. Го́споди, высока́ Твоя́ мы́шца, и не ве́деша, разуме́вше же постыдя́тся.

Тропарь: Я́ же в Тро́ице Бо́га на́шего Свята́я Це́рковь и ди́вная впра́вду све́тло красу́ется,/ всенаро́дное мно́жество духо́вне ра́дуется, зря́ще тя, Богому́дре Се́ргие,/ рука́ма архиере́я Бо́жия че́стно взе́млема и на плещу́ свяще́нных носи́ма.

Припев: З а́висть прии́мет лю́ди ненака́занныя, и ны́не о́гнь супоста́ты поя́ст.

Тропарь: Я́ же в Тро́ице Бо́га на́шего Свята́я Це́рковь и ди́вная впра́вду све́тло красу́ется,/ всенаро́дное мно́жество духо́вне ра́дуется, зря́ще тя, Богому́дре Се́ргие,/ рука́ма архиере́я Бо́жия че́стно взе́млема и на плещу́ свяще́нных носи́ма.

Припев: П pиложи́ и́м зла́, Го́споди, пpиложи́ зла́ сла́вным земли́.

Тропарь: П осеще́ния ра́ди Богома́тере ра́дости испо́лнився,/ свет был еси́ ста́ду твоему́ и наста́вник но́вому Изра́илю,/ преводя́ нас, о́тче, от земли́ к Небе́сным оби́телем,/ иде́же ны́не наслажда́ешися неизрече́нныя све́тлости.

Припев: Г о́споди, в ско́pби помяну́хом Тя́, в ско́pби мале́ наказа́ние Твое́ на́м.

Тропарь: П осеще́ния ра́ди Богома́тере ра́дости испо́лнився,/ свет был еси́ ста́ду твоему́ и наста́вник но́вому Изра́илю,/ преводя́ нас, о́тче, от земли́ к Небе́сным оби́телем,/ иде́же ны́не наслажда́ешися неизрече́нныя све́тлости.

Припев: И я́ко боля́щая пpиближа́ется pоди́ти, и в боле́зни свое́й вопия́ше: та́ко бы́хом возлю́бленному Твоему́.

Тропарь: М а́терня утро́ба освяти́ся честны́я зача́тием твои́м,/ сла́вный же град Росто́в просвети́ся рождество́м твои́м,/ вели́кая же твоя́ и многосла́вная оби́тель просла́вися по́двиги твои́ми,/ вся же вселе́нная напо́лнися чуде́с твои́х, преподо́бне о́тче Се́ргие.

Припев: H е паде́м, но паду́т живу́щии на земли́.

Тропарь: М а́ти Бо́жия Пречи́стая, тве́рдая Засту́пнице на Тя наде́ющимся,/ покро́ве и страж гра́ду на́шему, и необори́мая стено́ святе́й оби́тели сей,/ и ору́жие спасе́ния оте́честву на́шему,/ спаси́ всех, благоче́стно покланя́ющихся свято́му о́бразу Твоему́.

 

Канон преподобномученицы на 4, глас 8:

Припев: В оскpе́снут ме́pтвии, и воста́нут и́же во гpобе́х, и возвеселя́тся и́же на земли́.

Тропарь: Н еизреченным смотрением Господним / горькия воды страдания причастившися, / сладость Духа Божественнаго в сердце своем обрела еси, / да не вжаждешися во веки / и да напоиши нас немощных водою живою любве и милости,/ яже истече из твоего сердца.

Припев: Р оса́ бо, я́же от Тебе́, исцеле́ние и́м е́сть, земля́ же нечести́вых паде́т.

Тропарь: В оля Господня во святых Его совершается: / ходят бо неотступно по стопам заповедей Его. / Такожде и ты, о преподобномученице, / всю себе Господеви предавши, / радость, вкупе же и скорбь от Того с благодарением прияла еси / и послужила еси Ему, подвизающися благочестно. / Научи и мене достойно Господу послужити / и в послушании воле Его пребыти, / да не будет мне иго Его благое в скорбь / и бремя Его легкое в тягость, / но да утвердится и упокоится в Нем сердце мое.

С ла́ва Отцу́, и Сы́ну, и Свято́му Ду́ху.

Тропарь: П омолися о мне, преподобномученице, / да будут молитвы твоя врачевством многоболезненной души моей, / недугующей грехми. / Никтоже бо просящий отыде от тебе без помощи и утешения.

И ны́не и при́сно, и во ве́ки веко́в. Ами́нь.

Богородичен: Д ерзновения не имам / просити у Господа отпущения грехов моих; / сего ради к Тебе, Владычице, припадаю, / преклонив колена души и телесе. / Тебе вверяю немощное моление мое, / да принесеши его ко престолу Всевышняго / и да приемлю Тобою от Него спасение, радость и мир.

Катава́сия, глас 4:

Хор: Ужасо́шася вся́ческая / о Боже́ственней сла́ве Твое́й: / Ты бо, Неискусобра́чная Де́во, / име́ла еси́ во утро́бе над все́ми Бо́га / и родила́ еси́ Безле́тнаго Сы́на, / всем воспева́ющим Тя // мир подава́ющая.

Песнь 6:

Канон храма со ирмосом на 4 (ирмосы по дважды):

Ирмос. (Дважды)

Припев: В озопи́х в ско́pби мое́й ко Го́споду Бо́гу моему́, и услы́ши мя́.

Тропарь:.

 Припев: О тве́pгл мя́ еси́ во глубины се́pдца моpска́го, и pе́ки обыдо́ша мя.

Тропарь:.

Канон преподобного на 6, глас 4:

Припев: В ся высоты́ Твоя́, и во́лны Твоя́ на мне́ пpеидо́ша.

Тропарь: О т млада́го во́зраста, о́тче Се́ргие, Христа́ возлюби́в/ и Сего́ живоно́сным стопа́м после́дуя, ми́ра всего́ избе́гл еси́/ и дости́гл еси́ в незаходи́мый свет ра́зума,/ иде́же ны́не дерзнове́нно Святе́й Тро́ице предстои́ши,/ Ю́же о всех нас умоли́.

Припев:  Е да́ пpиложу́ пpизpе́ти ми к хpа́му свято́му Твоему́;

Тропарь: О т млада́го во́зраста, о́тче Се́ргие, Христа́ возлюби́в/ и Сего́ живоно́сным стопа́м после́дуя, ми́ра всего́ избе́гл еси́/ и дости́гл еси́ в незаходи́мый свет ра́зума,/ иде́же ны́не дерзнове́нно Святе́й Тро́ице предстои́ши,/ Ю́же о всех нас умоли́.

Припев: В озлия́ся вода́ до души́ моея́, бе́здна обы́де мя после́дняя.

Тропарь: У диви́шася во пло́ти житию́ твоему́ Безпло́тнии чи́нове,/ и устраши́шася бесо́вская по́лчища от Бо́га да́нныя тебе́ на них побе́ды;/ мы же прославля́ем тя, преподо́бне Се́ргие, обстоя́ще ра́ку честны́х моще́й твои́х,/ и велича́ем Христа́, чудесы́ тя просла́вльшаго.

Припев: П онpе́ глава́ моя́ в pазсе́ли го́p: снидо́х в зе́млю, ея́же веpеи́ ея́ закл́пи ве́чнии.

Тропарь: У диви́шася во пло́ти житию́ твоему́ Безпло́тнии чи́нове,/ и устраши́шася бесо́вская по́лчища от Бо́га да́нныя тебе́ на них побе́ды;/ мы же прославля́ем тя, преподо́бне Се́ргие, обстоя́ще ра́ку честны́х моще́й твои́х,/ и велича́ем Христа́, чудесы́ тя просла́вльшаго.

Припев: И да взы́дет из истле́ния живо́т мо́й, к Тебе́, Го́споди Бо́же мо́й.

Тропарь: И же любо́вию и чи́стою ве́рою чту́щим честно́е и сла́вное обре́тение святы́х моще́й твои́х/ и пра́зднующим све́тло свяще́нную па́мять твою́,/ о́тче преблаже́нне Се́ргие, моли́твами твои́ми всем поле́зная испроси́.

Припев: И да пpии́дет к Тебе́ моли́тва моя́, к хpа́му Свято́му Твоему́.

Тропарь: Б ез се́мене во чре́ве Твое́м заче́нши Творца́ всех и Спаси́теля, Богома́ти Влады́чице,/ и ро́ждши пло́тию Христа́ Бо́га,/ Его́же моли́твами Твои́ми ми́лостива нам сотвори́,/ и да сподо́бимся вси явле́ния Его́ и Ца́рствия.

Канон преподобномученицы на 4, глас 8:

Припев: Х pаня́щии су́етная и ло́жная, ми́лость свою́ оста́виша.

Тропарь: К кому прибегну в нищете моей, / аще не к тебе, святая преподобномученице Елисавето? / Обнажися душа моя от всякия добродетели, / уязвися от прилогов вражиих. / Но вем нищелюбие твое, / яко николиже отринула еси просящаго: / аще ли убог, и аще и грешен, аще и злое сердце име. / Тако и мене недостойнаго и уничиженнаго не отжени, / но помолися Господеви о исправлении жития моего.

Припев: Е ли́ка обеща́х, возда́м Тебе́ во спасе́ние мое́ Го́сподеви.

Тропарь: Д а не будет мне в осуждение молитвословие сие, / из глубины зол моих возносимое: / хотят бо сомкнутися надо мною волны моря житейскаго, / и пути благаго не вем. / Но ты помолися о мне, святая Елисавето, / хотящи мене спасти и на стезю правую наставити. / Ты бо и прежде, никем не гнушающися и к немощем грешных снисходящи, / многим путь ко спасению показа.

С ла́ва Отцу́, и Сы́ну, и Свято́му Ду́ху.

Тропарь: П риими мене с любовию, милостивая Елисавето, / якоже и всегда принимала еси подобных мне больных и сирых, / и крепостию оскудевших. / Утоли глад и жажду, / исцели болезни души моея и, присно ко Христу молящися, / испроси мне у Него еже потребно ко спасению.

И ны́не и при́сно, и во ве́ки веко́в. Ами́нь.

Богородичен: Б огородице Дево, / радости Виновнаго рождшая, / просвети радостию Твоею сердце мое, / помраченное страстьми многими, / тьмою уныния плененное,/ лютым разслаблением недугующее. / Омый скверну души моея и подаждь ми светлую одежду, / в нейже представ ко Господу, не изгнан буду из чертога брачнаго.

Катава́сия, глас 4:

Хор: Боже́ственное сие́ и всечестно́е / соверша́юще пра́зднество, / Богому́дрии, Богома́тере, / прииди́те, рука́ми воспле́щим, // от Нея́ ро́ждшагося Бо́га сла́вим.

 

Ектения́ ма́лая:

Диа́кон: П а́ки и па́ки ми́ром Го́споду помо́лимся.

Хор: Г о́споди, поми́луй.

Диа́кон: З аступи́, спаси́, поми́луй и сохрани́ нас, Бо́же, Твое́ю благода́тию.

Хор: Г о́споди, поми́луй.

Диа́кон: П ресвяту́ю, Пречи́стую, Преблагослове́нную, Сла́вную Влады́чицу на́шу Богоро́дицу и Присноде́ву Мари́ю, со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Хор: Т ебе́, Го́споди.

Иере́й: Ты бо еси́ Ца́рь ми́ра и Спас душ на́ших, и Тебе́ сла́ву воссыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в.

Хор: А ми́нь.

Конда́к преподобного, глас 8. Подо́бен: Взбра́нной: