Евангелие от Матфея, глава 21 стих 18-43.

Во время оно, возвращься Иисус во град, взалка. И узрев смоковницу едину при пути, прииде к ней, и ничтоже обрете на ней, токмо листвие едино, и глагола ей: да николиже от тебе плода будет во веки. И абие изсше смоковница. И видевше ученицы дивишася, глаголюще: како абие изсше смоковница? Отвещав же Иисус рече им: аминь глаголю вам, аще имате веру, и не усумнитеся, не токмо смоковничное сотворите, но аще и горе сей речете: двигнися, и верзися в море, будет. И вся, елика аще воспросите в молитве верующе, приимете. И пришедшу Ему в церковь, приступиша к Нему учащу архиерее и старцы людстии, глаголюще: коею властию сия твориши? И кто Ти даде власть сию? Отвещав же Иисус, рече им: вопрошу вы и Аз слово едино: еже аще речете Мне, и Аз вам реку, коею властию сия творю. Крещение Иоанново откуду бе; с небесе ли, или от человек? Они же помышляху в себе, глаголюще: аще речем, с небесе: речет нам, почто убо не веровасте ему? Аще ли речем, от человек: боимся народа: вси бо имут Иоанна яко пророка. И отвещавше Иисусови реша: не вемы. Рече им и Той: ни Аз вам глаголю, коею властию сия творю. Что же ся вам мнит? Человек некий имяше два сына, и пришед к первому, рече: чадо, иди днесь, делай в винограде моем. Он же отвещав, рече: не хощу. Последи же раскаявся, иде. И приступль к другому, рече такоже. Он же отвещав рече: аз, господи, иду. И не иде. Кий от обою сотвори волю отчу? Глаголаша Ему: первый. Глагола им Иисус: аминь глаголю вам, яко мытари и любодейцы варяют вы в Царствии Божии. Прииде бо к вам Иоанн Креститель путем праведным, и не веровасте ему, мытари же и любодейцы вероваша ему: вы же видевше, не раскаястеся последи, веровати ему. Ину притчу слышите: человек некий бе домовит, иже насади виноград, и оплотом огради его, и ископа в нем точило, и созда столп, и вдаст и делателем, и отыде. Егда же приближися время плодов, посла рабы своя к делателем прияти плоды его. И емше делателе рабы его, оваго убо биша, оваго же убиша, оваго же камением побиша. Паки посла ины рабы множайша первых: и сотвориша им такоже. Последи же посла к ним сына своего, глаголя: усрамятся сына моего. Делателе же видевше сына, реша в себе: сей есть наследник, приидите, убием его, и удержим достояние его. И емше его, изведоша вон из винограда, и убиша. Егда убо приидет господин винограда, что сотворит делателем тем? Глаголаша Ему: злых зле погубит их, и виноград предаст иным делателем, иже воздадят ему плоды во времена своя. Глагола им Иисус: несте ли чли николиже в Писаниих: камень, егоже не в ряду сотвориша зиждущии, сей бысть во главу угла? От Господа бысть сей, и есть дивна во очию вашею. Сего ради глаголю вам, яко отымется от вас Царствие Божие, и дастся языку творящему плоды его.

Слава Тебе Господи, слава Тебе.

Русский перевод: В то время, возвращаясь в город, Иисус ощутил голод и, увидев при дороге одинокую смоковницу, подошел к ней и ничего не нашел на ней, кроме одних только листьев. И говорит ей: да не будет от тебя плода вовек. И смоковница сразу засохла. И увидев, ученики с удивлением говорили: как это сразу засохла смоковница? Иисус же ответил им: истинно говорю вам: если будете иметь веру и не усомнитесь, сделаете не только то, что было со смоковницей, но, если и горе этой скажете: "сойди с твоего места и бросься в море", – будет. И все, чего ни попросите в молитве с верою, получите. И когда Он пришел в храм, подошли к Нему, пока Он учил, первосвященники и старейшины народа и спросили: какою властью Ты это делаешь, и кто Тебе дал эту власть? Иисус же ответил им: спрошу вас и Я об одном: если скажете Мне, то и Я скажу вам, какою властью это делаю. Крещение Иоанново откуда было: с неба или от людей? Они же рассуждали между собой: если скажем: "с неба", Он скажет нам: "почему же вы не поверили ему?" Если же скажем: "от людей", – боимся толпы, ибо все считают Иоанна пророком. И они сказали Иисусу в ответ: не знаем. Сказал им и Он: и Я вам не скажу, какою властью это делаю. А как вам кажется? У человека было двое детей; и он, подойдя к первому, сказал "дитя мое, иди сегодня, работай в винограднике". Он же ответил: "Иду, господин" и не пошел. И подойдя ко второму, он сказал то же. И тот ответил: "не хочу", а после раскаялся и пошел. Кто из двух исполнил волю отца? Они говорят: последний. Говорит им Иисус: истинно говорю вам: мытари и блудницы идут впереди вас в Царство Божие. Ибо пришел к вам Иоанн путем праведности, и вы не поверили ему, а мытари и блудницы поверили ему, вы же, увидев, не раскаялись и после, чтобы поверить ему. Выслушайте другую притчу. Был человек хозяин дома, который насадил виноградник и стеной его обнес, и выкопал в нем точило, и построил башню, и сдал его виноградарям, и уехал. Когда же приблизилось время плодов, послал он своих рабов к виноградарям взять плоды свои; и взяли виноградари рабов его, кого прибили, кого убили, кого камнями побили. Снова послал он других рабов, в большем числе, чем первых; и поступили с ними так же. Наконец, послал он к ним сына своего, говоря: "устыдятся сына моего". Виноградари же, увидев сына, сказали друг другу: "это наследник; давайте, убьем его и завладеем наследством его". И взяв его, выбросили вон из виноградника и убили. Итак, когда придет господин виноградника, что сделает он с виноградарями теми? Говорят Ему: предаст их, как злодеев, заслуженной ими злой смерти и виноградник сдаст другим виноградарям, которые будут отдавать ему плоды в свои сроки. Говорит им Иисус: никогда не читали вы в Писаниях: "Камень, который отвергли строители, он сделался главою угла: от Господа это, и удивительно в глазах наших"? Поэтому говорю вам: Царство Божие будет отнято у вас и дано приносящему его плоды народу.

И псалом 50

Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя; яко беззаконие мое аз знаю, и грех мой предо мною есть выну. Тебе Единому согреших и лукавое пред Тобою сотворих, яко да оправдишися во словесех Твоих, и победиши внегда судити Ти. Се бо, в беззакониих зачат есмь, и во гресех роди мя мати моя. Се бо, истину возлюбил еси; безвестная и тайная премудрости Твоея явил ми еси. Окропиши мя иссопом, и очищуся; омыеши мя, и паче снега убелюся. Слуху моему даси радость и веселие; возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего и Духа Твоего Святаго не отыми от мене. Воздаждь ми радость спасения Твоего и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо: всесожжения не благоволиши. Жертва Богу дух сокрушен; сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на oлтарь Твой тельцы.