На стиховне стихиры, глас 2.

О деяна в порфиру, от твоих крове обагрену,/ славная дево Аурее, / и победы царственным венцем живоначальною рукоюувязена, / на Небесех живеши, сцарствуя Христу Всещедрому. / Темже тя ублажаем, яко истинную мученицу, // и Слова служительницу, и верыутверждение.

Стих:С вятым, иже суть на земли Его, / удиви Господь вся хотения своя в них.

Ц арство Отчее Небесное, / достохвальная Аурее мученице, / наследила еси страданием,/ и Христов воистинну чертог, // и свет незаходимый.

Стих:М ноги скорби праведным, / и от всех их избавит я Господь.

М ощей твоих рака, АурееБогомудрая,/всех собирает и, богатно имеющи исцеление,/ всем подает, верою притекающим ктебе, всеблаженная дево.// Непрестанно моли о нас, еже спасти душинаша.

Слава, глас 6:

Ц еломудрием и благоверием, / яко багряницеюмногоценною одеялася еси, Аурее, / правдою же икротостию,/ яко божественным венцем, украсиласяеси,/ со страждущими Христа ради царствовативозжелела еси./ И ныне Царю сил предстоиши, //и молишся о душах наших.

И ныне, Богородичен, глас тойже: Т ворец и Избавитель:

Тропарь, глас 4:

К ровей твоих струями / всю крепость лукавагопогрузивши, Аурее славная,/прешла еси невредно мук великую пучину /ивземли святей яве вселилася еси,/ почесть трудовдостойно приемши,/ чертога входа Небеснагосподобилаея еси, прехвальная. / МолиХриста Бога грехов оставление подати // чтущимлюбовию святую память твою.

НА УТРЕНИ

На Бог Господь: тропарь святыя дважды. Слава, и ныне, Богородичен.

По 1–м стихословии седален, глас 2:

П одвигом, мученице, добрым подвизався / и светлыя венцы приим, Свету предстоиши, / просвещаема по причастию Невещественному, // теммолим тя: просвети нас молитвами твоими.

Слава, и ныне, Богородичен:

С вет, от Света происходяй, во Твою Девичу утробу вниде / и плотию обложися недомысленно и несказанно, / рождеством же Его вся тварь обновися и идольская лесть разорися. / Тем молим Тя, Пречистая: // моли, да спасет души наша.

По 2–м стихословии седален, глас 6:

С ветлый твой, мученицеАурее, праздник / вся созварадостно на трапезу днесь, / предложив страданий твоих борения, / мужество и противление, имиже насыщшеся, // верою тя и любовию ублажаем.

Слава, и ныне, Богородичен:

Т руждает мя буря греховная / и возмущение безместных помышлений: / умилосердися, Всенепорочная, / и руку помощи, яко Милосердная, простри ми, // да величаю Тя, спасаемый.

Величание:

В еличаем тя, / страстотерпице святая Аурее, / и чтим честная страдания твоя, //яже за Христа претерпела еси.

Псалом избранный:

1. Т ерпя потерпех Господа, и внят ми, и услыша молитву мою. 2. Б ог нам Прибежище и Сила, Помощник в скорбех, обретших ны зело. 1. М ноги скорби праведным и от всех их избавит я Господь. 2.П риведутся Царю девы, приведутся в веселии и радовании. 1. Д евы да восхвалят имя Господне. 2. С уди ми, Господи, яко аз незлобою моею ходих. 1. И скуси мя, Господи, и испытай мя, разжи утробы моя, и сердце мое. 2. Д а не погубиши с нечестивыми душу мою. 1. А з же незлобою моею ходих, избави мя, Господи, и помилуй мя. 2. Н ога моя ста на правоте: в церквах благословлю Тя, Господи.

По полиелеи седален, глас 8:

Б лагородством, яко златом / во страдании украсися душа твоя, / таже и девства чистотою сияющи, / воспарила еси в Небеснии чертоги Жениха твоего./ Аурее мученице всечестная, / Христа Бога моли даровати душам нашим // мир и велию милость.

Слава, и ныне, Богородичен:

Т я надежду, прибежище и Предстательницу обретше, вернии, / к Тебе притекаем и прилежно вопием: / помилуй, Богородице, на Тя уповающия / и прегрешений оставление нам испроси / молитвами Твоими, Пречистая.

Таже степенна, 1-й антифон, глас 4. Прокимен, глас 4: С вятым, иже суть на земли Его, / удиви Господь вся хотения своя в них. Стих:П резрех Господа предо мною выну, / яко одесную мене есть, да не подвижуся. В сякое дыхание: Евангелие от Матфея, зачало 36.

По 50-м псалме стихира самогласна, глас 6:

С ветло возсияла есть, яко солнце, / светозарнаяпамять твоя,/ лучами облистающитвоихдобродетельных деяний, / всеблаженнаямученице Аурее, / иозаряющи верных разумы светом чудес твоих./Сию убо празднующе,/ радостно тя славим иверою ублажаем, / исповеднице добрая Христа, Бога нашего: /Егоже моли от тли и бед избавити// верою празднующих святую память твою.

Канон святыя, глас 2.

Песнь 1

Ирмос: Г рядите, людие, / поим песнь Христу Богу, / раздельшему море, / и наставльшему люди, яже изведе из работы египетския, / яко прославися.

Ж еланием сущим к Богу распалаема, мир оставила еси и Спутника обрела еси, Христа, Аурее дево славная, с Нимже стезю прошла есиспасительную страданий, радуяся.

В идети Жениха Царя доброту красную вожделела еси чисто, темже Божественными, страстотерпице, страданьми светло себе украсила еси.

У момочищенным преславно зриши, Аурее честная, доброту неизреченную – Христа, всяческих Бога нашего, Егоже моли о чтущих подвиги твоя.

Богородичен: С ветлыми лучами Твоего Сына, Богородице, просвети омраченную мою душу, страстей смущение отжени, Твоими, Чистая, ходатайствы.

Песнь 3

Ирмос: Н а камени мя веры утвердив, / разширил еси уста моя на враги моя. / Возвесели бо ся дух мой, внегда пети: / несть свят, якоже Бог наш, / и несть праведен паче Тебе, Господи.

П обеждаявражия полки Божественным пособием Духа и мучителемдобльственно сопротивляяся, взывала еси Христу твоему: несть праведен, паче Тебе, Господи.

И стине Евангельской наученна, животворныя заповеди Спасовы исполнила еси ревностно, Аурее блаженная, и научила еси всех взывати: несть праведен, паче Тебе, Господи.

Н а земли — дева и мученица, на Небесех — венценосица,Христова угодница Ауреяпоказася яве, с Безплотными чинми зовуще:несть праведен, паче Тебе, Господи.

Богородичен:А нгелов удивление, человеков дерзновение, Богородице Чистая, Приснодево, моли Христа Бога, спасти непрестанно Тя блажащия.

Седален, глас 1:

Ж еланием возжделевши видети красоту Твою Христе, Аурея святая мученица с каменем низринута в море бысть, душею же возлетевши в Небесныя обители, идеже предстоящеТебе Спасу душ наших, молится о нас.

Слава, и ныне, глас тойже:

У пование христиан, Пресвятая Дево, Егоже родила еси Бога, паче ума же и слова, непрестанно моли с вышними Силами подати оставление грехов наших всех и исправление жития верою и любовию присно Тя славящим.

Песнь 4

Ирмос: И з горы приосененныя, Слове, пророк, единыя Богородице, хотяща воплотитися боговидно усмотри и со страхом славословяще силу Твою.

С ияеши, Христовым мучеником совокуплься,разорила бо еси лесть многобожную, кровными течении твоимивсю потопила еси идольскую прелесть, Владыце Христу представши.

Х одяще путем евангельским, вБожественный град вошла еси, Аурее блаженная, спасительным сиянием обогатився.

П италася еси, ранами Божественными наслаждаема, мученице достоблаженная Аурее, видении Жениха твоего, и на Того доброту взирающи.

Богородичен: В ладычице Милостивая, не возгнушайся язвами нашими греховными, Врача рождшая душ и телес наших, утоли болезни и исцели неможения, и спаси души наша.

Песнь 5

Ирмос: С трастей мя мглы, яко от глубокия нощи, избавляяй, утреневати сподоби дух мой, молюся, во свете дне повелений Твоих, Христе.

К аменя жизни не отверглася еси, Аурее,темже к каменю тя привязавше, врази в водуввергоша.

П отекла еси, последуя Христовым стопам Божественным, и общница показался еси Страстей Того иЦарствия, всеславная, за любовь твою изрядно венчаваема.

Н аученна, славная, Богодохновеннаго писанияучением, вся ко спасению обрела еси ведущая,Аурее Богомудрая, и пети научала сродный ти язык: разве бо Тебе иного бога не знаю.

Богородичен: Д реманием уныния мя сон греховный, Отроковице, постйже, / бодренною молитвоюТвоею возстави мя к покаянию.

Песнь 6

Ирмос: В бездне греховней валяяся, / неизследную милосердия Твоего / призываю бездну: / от тли, Боже, мя возведи.

К апли сладкия искапавше, мученице блаженная, потов твоих сладость и исцелений сияния на хвалу ХристаБога нашего.

С илою Божественною душу укрепив, в мирГорний вселилася еси, свободився страстей, Аурее всечестная.

Б урю идольскаго треволнения, дево достоблаженная Аурее, крестным ветрилом и дыхании духовными тихо преплыв, в пристанище тихое Христово достигла еси.

Богородичен: М илости Твоея, Богородице, сподоби мя, премилостиваго Слова рождшая, своею кровию от тли человеки избавльшаго.

Кондак, глас 4:

С ветовидная голубица позналася еси, / крилеимущи злате, всечестная, / и к высоте Небесней возлетелаеси, Аурее дево блаженная. / Темже твой славныйпраздник совершаем, / верою покланяющеся твоих мощей раце, / из неяже истекает всем обильно исцеление Божественное, // душам же и телом на пользу.

Икос:

Д обродетельным житием на земли просиявшую / и на Небесех со Ангелы ныне ликующую, / деву всечудную и мученицу неодоленную, / сугубым венцем исповедничества и целомудрия увенчáнную, / Аурею воспоим вернии, /сия бо подает исцеления, // душам же и телом на пользу.

Песнь 7

Ирмос: Н а поле Деире иногда мучитель пещь постави на мучение Богоносных, в нейже три отроки песнословляху Единаго Бога, троично воспеваху, глаголюще: отцев Боже, благословен еси.

К репостию возмогши Живодавца, плотское удержала еси желание, пребогатая, и ум возвысила еси наНебесная, поя крепко:отцев Боже, благословен еси.

Я ко агница на жертву ведома, славная дево Алино, никакоже провещала еси, Владыце твоему подобяся,Егоже ради и смерть пренебрегла еси.

И збавится прегрешений ныне моли, Леввино приснославная, вероючтущим твою честную память и поющим велегласно: благословенеси, Господи Боже, во веки.

Богородичен: Т ьмою лютою жития объят быв, соскорбящаго и сболезнующаго не обретох: Твоею, Дево, светлостию разреши тьму прегрешений и озари пети Тебе, Благословенная, Яже Бога плотию рождшая.

Песнь 8

Ирмос: П обедители мучителя и пламене благодатию Твоею бывше, заповедем Твоим зело прилежаще, отроцы вопияху: благословите, вся дела Господня, Господа.

С труи точиши исцелений притекающим верою к твоему гробу, Аурее, и Жениху твоему вопиющим: благословите, вся дела Господня, Господа.

В сесветло, яко солнце, тихое твое лице, мучения радованием явльшееся, яко агнца бо непорочна,заклана быв, принеслася еси Богу, Емуже, якоСодетелю, песньми вопияла еси: благословите, вся дела Господня, Господа.

В олнующееся море напастей мук Божественнымокормлением невредно преплыла еси, змия погрузивши твоих подвиг, мученице Аурее, глубиною. Темжерайская небурно пристанища достигла еси, вопиющи:благословите, вся дела Господня, Господа.

Богородичен: Н етленное Слово, паче словатления нас всякаго избавляюща, родила еси, сегоради Тя вси, Дево, славим.

Песнь 9

Ирмос: Б езначальна Родителя Сын, Бог и Господь, / воплощься от Девы нам явися, / омраченная просветити, / собрати расточенная: / тем всепетую Богородицу величаем.

П омяни ныне, Аурее славная, всех верою к тебепритекающих, и, от душевных страстей избавляя,защити нас от бед и обстояний, и спасения Божественнаго буди нам ходатаица.

М илостива быти моли Владыку верою тячтущим и твой светоносный и честный праздниксовершающим, Аурее достохвальная, мучеников украшение.

С овокупилася еси со Безплотнымилики, славная,и со страдальческими соборы причласяеси, о нас молящи Всещедраго Бога.

Т воя болезни и поты во вселенней славятся, тыже Небесною славою питалася, Аурее всечестная дево, нас непрестанно поминай.

Богородичен: Г лас Тебе ангелов, Пречистая,вопием: радуйся, спасение всех человеков иславных мученик Божественное венчание.

Светилен:

П редстоще ныне Трисиянному Великому Свету и пребывающе в неизреченней светлости со всеми святыми, добрая мученицеАурее, помяни всех нас, память твою светоносно совершающих.

Слава, и ныне, Богородичен:

С вета Превечнаго родила еси нам, Христа, Бога нашего, Пречистая Дево, избавльшаго весь мир от лести диавола. Темже молим Тя: не престай молящи, да подаст нам милость Свою в День Судный.

Стихиры, глас 1:

Х риста Спаса всем сердцем возлюбивши/ и свещутвою светло украсивши,/ добродетельми просияла еси, славнаяАурее./ Темже возшла еси в Небесныйчертог / и, венец страдания приимши,/ от бедизбави нас, //совершающих, памятьтвою.

И мея душу милостивну,/ и чист помысл, исердце бодрственно, / веру неблазненну, и любовь воистинну нелицемерну,/ от земли преставиласяеси к Небесным / и с лики праведных водворяешися./ Темже тя почитаем священными песньми/ иблагочестно вси славим, Аурее досточудная.

В оспеваем житие твое всечудное / и чтим в Горняя преселение твое праведное, / лобызаем честныя мощи твоя, / токи чудес нам источающия, / и празднуем радостно всесвященную память твою, / мученице Аурее добропобедная.

В елие Божие дарование тебе, мученице Аурее,/ всю бо крепость мучителей победилаеси,/ и прияла еси нетленный венец от рукиВседержителя, / на земли сияеши славою церковною, / на Небеси предстоиши Царю и Владыце /и молиши Его всем нам даровати // мир и велиюмилость.

Слава, глас 8:

П риидите, благовернии людие, / восхвалим Аурею славную мученицу, / яжепострада Христа ради/ и живот свой за Негоположи,/ и ныне пребывает у Него в Горнихселениих, / и праведною своею душею, яко солнце,сияет,/ на земли же чудесы своими,аки лучамисвета всех осиявает:/ честныя бо еяго мощи,/ подают всем, с вероюпритекающим, благодать и исцеление./ Темжемолим ю испросити нам у Христа Бога // спасение и велию милость.

И ныне, глас тойже:

В ладычице, приими молитвы раб Твоих / и избави нас // от всякия нужды и печали.